O blog de David

De volta...

2007-12-06T02:47:00.000-08:00

En fin, case un mes sen poñer nada por aquí... E a verdade é que este mes tiven pouquísimo tempo, principalmente por culpa dos exames, e pido perdón por non cumplir o do post por semana. Agora que xa acabei os exames a ver se podo ir colgando máis cousas por aquí.

E ultimamente non é que houbera pouco que contar, máis ben ao contrario. Desde logo pasaron cousas que merecen ser relatadas, hehehe...
Primeiro teño que comentar que o día que fomos a Vigo a xogar non fixemos moito, porque só estaban 5 cadetes e tivemos que xogar mesturados e ademais sen contacto... Polo tanto non se pode dicir que iso fora un partido, hehehe... De todas formas pasámolo ben na nosa primeira viaxe.
Despois chegou a impresionante inauguración da LNB - Conferencia NorOeste, un absoluto éxito en canto a afluencia e participación. Persoalmente teño que dicir que xoguei peor ca nunca, estaba bastante nervioso e non me saía nada ben... No tema colectivo coméntovos que foi incríbel, e que hai un nivel de xogo insospeitado por todos. De todas formas no próximo partido resarcireime desta mala actuación, hahaha... Aquí tedes unha crónica e por alá outra sobre ese espectacular encontro na Zapateira.
E seguindo co tema da billarda tamén teño que dicirvos que a LNB recibiu o recoñecemento como mellor iniciativa en deporte tradicional nos Premios Nacionais do Deporte Galego!!! Aquí tedes o vídeo, escoitade o discurso que rachou con todo o politicamente estabelecido! Avante a LNB!
E aínda houbo máis, como o meu debut real como xogador de rugby no derbi Crat - Zalaeta. O caso é que isto era un partido amistoso cadete, pero os do Zalaeta trouxeron a varios xuvenís, incluso un dos xogadores veu conducindo un Ford Fiesta :D. Tamén hai que dicir que xogaron con 13 no campo e nós con 15, mais de todas formas tamén tiñan un bo número de maiores de 16 anos. Ao final perdemos 15-5, pero teño que dicir que xogamos bastante mellor á man. Tamén é resaltábel o feito de que cando iamos 5-5 fixen un ensaio válido, bastante bonito ademais, e anuláronmo inxustamente... En fin, non vou buscar excusas, hehehe... Xogando paseino moi ben e espero volver ter outro partido canto antes ;).
E tamén me pasou outra cousa incríbel estes días: recibín a carta coa convocatoria coa Selección Galega de Rugby para a preparación dos chamados Campeonatos Autonómicos!!! Tamén é verdade que estamos 28 convocados, así que supoño que de aí aínda farán unha segunda criba pola que vexo difícil pasar... Isto será mañán, día 8 de decembro, no campo de Acea da Ma, así que xa vos contarei como me foi.
Tamén vou comentar que onte parte das Filloas de Sangue, franquicia da Conferencia NorOeste, estivemos adestrando no parque de Santa Margarida. Fixemos un torneo moi emocionante do que saín victorioso despois de vencer cun varado na final ao meu compañeiro Roi, que se quedou a 2 cms de facer outro. Vendo que o día 16 se vai xogar o segundo torneo da Liga pensamos que deberiamos ir adestrando para mellorar a nosa primeira actuación, así que algúns días esperamos poder xogar un pouco, hehehe...

Crónica da Copa

2007-11-09T13:51:00.000-08:00

Pois despois de tantos días por fin vos vou contar como foi a grandiosa Copa Cantábrica, que como xa saberedes trouxemos para Galiza ;). Ando con exames e traballos, e ademais mañán vou a Vigo a debutar como xogador do Crat, así que estes días non sei se poderei escreber por aquí... Por certo, como só imos os cadetes de primeiro ano e temos poucos dianteiros vou xogar de talonador, na primeira liña, hahaha... E sacando as touches! :P A ver que fago, cando teña tempo cóntovos ;)
Ao que ía, o domingo pasado desputamos o partido, que acabamos gañando nós no desempate! Eu fun o día anterior cos meus pais para Ribadeo e quedamos a durmir alí, e ao día seguinte eu collín a guagua da selección e marchei cos meus compañeiros cara a pista de Piyarnu. No bus ambientáronnos con vídeos da selección e música do grupo do moucho, Arredemo. Despois de escoitar os himnos desputamos o partido, e eu comecei de titular :D. Gañei dúas das tres carreiras que disputei, non estivo tan mal, hahaha... Igualamos cos asturianos e tivemos que desempatar, polo que cinco xogadores de cada equipo foron escollidos polos adestradores para desputar esta ronda final. Acabou definindo Fram, que puido coa presión e trouxo a copa para a casa. Por desgraza tiven que volver cos meus pais para A Coruña antes de que se desputase o Xamón Cantábrico, co que se acabou facendo o palanador galego Ginés. En definitiva, un día para recordar! Avante a Auténtica!
N'O Varal tedes unha crónica bastante mellor que a miña cargada de fotos e información, e en Vieiros está colgada outra crónica moi interesante que vale a pena que vexades :P
En fin, obrigado aos compañeiros da LNB que traballaron duramente para que uns privilexiados puideramos vivir este acontecemento tan especial.
En fin, déixoo que mañán madrugo para ir a Vigo! Saúdos!

I Copa Cantábrica

2007-11-02T07:28:00.000-07:00

Só quedan 2 días para que se despute a I Copa Cantábrica de Billarda!!! Como xa saberedes, as seleccións de Galiza e Asturies loitarán este domingo por acadar a desexada copa, e estou convocado para representar á Conferencia Noroeste no partido! Para nada esperaba este honor, aínda que loitarei para ser digno del ;)
O sábado á noite levaranme meus pais, quedarei a durmir por aló e ao día seguinte collerei a guagua en Barreiros, que nos levará aos seleccionados á pista de Piyarnu. O partido comezará ás 12, e ao acabar xantaremos no Restaurante Casa Adolfo. Pola tarde despútase o Xamón Cantábrico, aínda que como teño que volver para A Coruña non sei se poderei participar :D Para máis información sobre este grande evento pasádevos polo Varal, alí tedes a convocatoria, o sistema de xogo do torneo e o resto de temas relacionados co partido. Desexádeme sorte, creo que a vou necesitar :P
Saúdos!

PD: Por certo, nos adestramentos de rugby paseino moi ben, xa vos irei informando das miñas andanzas :D

Sigo aquí ;)

2007-10-16T08:50:00.000-07:00

Se me fixo nos meus últimos posts descubro que este ritmo de actualizacións é un dos peores da historia deste blogue... Non me quero excusar, é verdade que estou bastante ocupado pero non tanto como para non poder escreber nada nunha semana. Polo tanto, como mínimo vou subir un post por semana, e senón o fago, a próxima semana escribirei dous polo menos ;). Supoño que poñéndome algún mínimo abandoarei isto menos do habitual, hehehe...info
Coméntovos que desde fai bastante tempo vexo cada ano o 6 nacións (até o 2000 5 nacións) e o mundial de rugby, e máis dunha vez pensei en xogar nalgún clube. É un deporte que ten pouca tradición por aquí, e polo tanto tamén hai pouca información dos clubes nos que se pode practicar. E sobre todo desde que comezou o mundial deste ano, en Francia, foise xestando na miña cabeza a idea de chamar ao Zalaeta e ao CRAT para ver cando adestran os cadetes, e se podería entrar na equipa. Entón a semana pasada déuseme por buscar os números de ambos clubes e preguntar isto, xa que se os horarios coincidisen ben podería ir probar. O Zalaeta adestra en Arteixo e tería que coller un bus en Eirís, ademais de que os horarios me veñen peor polas actividades que fago; mais o CRAT adestra na Torre, e aínda que so podería ir a un dos dous adestramentos dixéronme que non pasaba nada e que fose probar.
Se vos digo a verdade, e aínda que non coñezo a ninguén aí, estou que non mexo con que chegue o venres para ir xogar... E claro, vexo algún vídeo coma este, do 6 nacións deste ano, e poñénseme os pelos crespos :P

Como é obvio nunha nai, á miña non lle fai demasiada ilusión, mais por outra parte non intenta convencerme de que non vaia nen nada parecido. Realmente é un deporte duro, pero moito menos sucio que outros que vemos máis a miúdo. Respétase o árbitro, ao acabar os partidos vaise tomar algo cos rivais, que ao mesmo tempo son compañeiros (o terceiro tempo)... Prima a amizade, o compañeirismo, o sacrificio... En fin, o venres estarei alí adestrando, e se me da tempo o sábado, senón o domingo, cóntovos como foi ;)
Por certo, o mundial deste ano estivo cheo de sorpresas: a miña Irlanda eliminada en primeira fase (snif snif... :D), Nova Zelandia e Australia en 1/4... E papelón de Arxentina, que o venres se xoga o 3º e 4º posto. Con respecto á final do sábado, espero que gañe o mellor xD A miña previsión é que Inglaterra xogará á defensiva, e irá sumando grazas a drops e golpes de castigo de Wilkinson, mentres que Habana correrá como é habitual nel, fará polo menos dous ensaios e daralle a victoria aos Springboks ;)
Saúdos e graciñas por pasarvos!

Xa temos liga!!!

2007-09-08T03:54:00.000-07:00

Como xa veríades anunciado polo blogomillo, este ano imos ter a 1ª Liga Nacional de Billarda do NorOeste!! Apuntádevos, diversión garantizada, hehehe... En principio a liga comezará a mediados de outubro, aínda que no blogue oficial podedes ir vendo todas as noticias relacionadas con esta liga. A Conferencia NorLeste xa pode ir tremendo, neses play-offs non o van ter nada fácil ;).
Para apuntarvos mandade un mail a lnbnoroeste@gmail.com, esperámosvos a todos!
Afiade as vosas billardas! Outro deporte é posíbel!!!

Xa queda menos...

2007-08-24T05:29:00.000-07:00

Pois despois dun verán bastante movido xa estou máis ou menos asentando na Coruña, polo que espero escreber aquí máis a miúdo... A ver se o consigo xD
Polo de agora intento non pensar en que o mes que vén vou ter que levantarme ás sete, poñerme a estudar, facer deberes... Confío en que o curso pase rápido e sen dificultades :P
E como xa saberedes, ultimamente houbo un par de estreas realmente interesantes no blogomillo, como a saída ao mercado do disco de Arredemo, o grupo do Moucho, e a presentación no Salón do Cómic da Coruña do xogo de rol das Crónicas de Gáidil.
Sobre o primeiro teño que dicir que é altamente recomendábel, e que llo podedes comprar a el persoalmente a un módico prezo, hehehe... Imprescindíbel para os amantes do rock, hahaha...
E do segundo teño que dicir que agardo impacientemente a saída á rúa, e que calquera día facemos un encontro blogueiro para botar unha partida :P Xa vos contarei cando o merque ;)
Tamén teño que comentar que me fixen socio do Dépor por primeira vez (até agora ía cun carnet prestado ou co equipo de fútbol). Deixeime 86 €, así que espero que fagamos algo máis que o de hoxe, que foi bastante triste... Eu sigo confiando en quedar na metade alta da táboa, que conste :D
Saúdos!

Non paro na casa...

2007-08-04T01:18:00.000-07:00

Pois aquí estou de novo, agora escribindo desde Vigo... É que nada máis chegar do campamento (por certo, foi moito) e ir á Feira Medieval marchei a Vigo, e agora voume en tren para A Coruña. Ao chegar marcho para a aldea dun amigo en Guitiriz, a pasar uns días por alí (e de paso ir a Pardiñas ;D). Hoxe, ademais dos míticos que este verán se despiden dos escenarios Cempés, d'os Tres Trebóns de Xurxo Souto e dos vascos Korrontzi estará o meu magnífico profesor de bodhran co seu grupo Ghaita Depedra. Mañán estará o asturiano Xuaco Amieva, os portugueses de Dazkarieh e os franceses de Elzef. Ten moi boa pinta, espero que non me defraude ;). E nada máis, dentro dun pouco pillo o tren e ando con présa... Á volta á Coruña (non sei cando será) cóntovos que tal me foi.
Pasádeo ben!
PS: Por certo, grazas a todos por pasarvos por aquí. Estes días sinto non ter tempo para comentar nos vosos blogues, mais espero poder facelo pronto...

Marcho...

2007-07-16T11:05:00.000-07:00

...mais non para sempre, hehehe... Voume até o 28 de campamento a Begonte (Lugo), así que até final de mes non poñerei nada por aquí. Xa levaba uns días inactivo no blogomillo polas festas da aldea, e agora marcho outra vez... Terei que aproveitar agora que podo, hehehe... De todas formas sede bós (tampouco demasiado ;D), cando volva xa vos contarei que tal me foi. Pasádeo ben!
E déixovos un vídeo mítico dunha canción que todos coñeceredes e que fai pouco aprendín a tocar. Falando de tocar, o noso famoso grupo xa está tomando forma, hehehe... Polo menos temos o básico: un sitio onde tocar, os instrumentos necesarios, ideas... Só nos falta aprender o suficiente, mais xa vos contarei cando gravemos algo :P

Saúdos!!

Contrastes (VI)

2007-07-02T13:15:00.000-07:00

Pois aquí tedes outra das xa habituais entregas de Contrastes, que chega cargada de boa música para que todos vós desfrutedes xD

Kussondulola - Tá-se ben na radio
Reggae, Angola
E seguimos co repaso ás grandes cancións do Xabarín Club, hehehe... Agora vamos cunhas das máis míticas, e no meu caso das primeiras que escoitei. Por certo, fai tempo baixeime o recopilatorio deste grupo e aficioneime bastante a eles (e ao reggae en xeral :P)

System of a Down - Chop Suey
Alternative metal, EEUU (orixe armenia)
Fai uns meses engancheime bastante ao Toxicity (1998) e ao Hypnotize (2005), dous dos mellores discos que escoitei en bastante tempo, mais aínda non puxera nada desta excelente banda porque teñen moitos temazos e non sabía cal escoller... xD Ao final decidinme por este que saíu aló no 1998 co seu segundo disco, Toxicity.

Cruachan - The Middle Kingdom
Folk/Celtic Metal, Irlanda
Parece incríbel que este grupo non teña nin un só vídeo decente no Youtube, nen que costase tanto... Se até eu subín un con meu irmán!!! xD Pois iso, unha das mellores bandas de folk metal que coñezo, neste caso con clara influencia celta. Un verdadeiro temazo...

Thin Lizzy - The Boys Are Back In Town
Hard Rock, Irlanda
E agora vamos cun dos grupos máis míticos do rock dos 70, con Phil Lynott ao frente. E este Phil Lynott, que acabou coa súa propia vida (de forma tristemente habitual nos músicos de rock) foi un verdadeiro ídolo no seu país coa súa tan curiosa condición de irlandés negro. Teño que dicir que este grupo que estou descubrindo é do mellor que escoitei en moito tempo...

Fuxan Os Ventos - Cantiga das Encrobas
Folk, Galiza
Puxérame a buscar vídeos deste grupo coa esperanza de atopar esta canción e por desgraza só aparecen tres... De todas formas atopei a que buscaba, e aínda que o vídeo non é unha marabilla trata un tema de bastante actualidade. REGANOSA PERIGO!!!

E por hoxe xa chega, hehehe... Espero que fora do voso agrado ;)
Saúdos!

Yngwie Malmsteen, o voso novo Deus

2007-06-15T05:02:00.000-07:00

Estaba eu buscando vídeos deste home coa esperanza de que non fosen tan aburridos coma de costume cando atopei este, que non podería definir mellor a miña opinión sobre el. O tipo este paréceme rallante e demasiado subido de fumes, e creo que hai moitos que tocan coma el e non van por aí predicándoo... Aquí está o vídeo en cuestión, adorade a Yngwie ou el virá e acabará con todos vós cravándovos o mástil da súa guitarra nos vosos raquíticos cerebros :P

PS: Espero que alguén non me considere demasiado blasfemo do dogma metálico ;)

Por fin!

2007-06-07T08:22:00.000-07:00

Xa era hora de acabar os exames e poder afirmar que me quedan algo máis de 3 meses nos que a miña actividade principal será rascar a barriga! Agora só me queda ir ao colexio mañán, porque temos a excursión, e o luns para que me den todas as notas :D A alegría invádeme!
E ademais hoxe pasoume algo bastante curioso... Resulta que me tiñan que dar o exame de física e química, e ao collelo vin rodeada a nota 4.45... Entón púxenme a sumalo, e deume 5.15! Fun falar coa profesora e resulta que eu tiña razón e o exame estaba aprobado... No meu caso non pasaría nada porque aínda suspendendo este supoño que aprobaría ao facerme media co outro, mais se me xogase a avaliación e non o sumase podería ser bastante terríbel... E resulta que a outro que aprobara tamén lle puxo que suspendera, e a varios máis lles baixara a nota, polo que deduzo que a tipa non descubriu as calculadoras... O caso é que todo tivo un final feliz e a falta dalgunha nota creo que xa teño todo aprobado!!! O curso foi difícil porque eu até este ano nunca estudara en condicións, mais chegoume co día anterior para sacar unhas notas bastante decentes, hehehe...
E por se fora pouco, este exame de física será o derradeiro da miña vida porque para o ano vou por letras e non terei que aprenderme nunca máis a puta táboa periódica :D Que si, a física pode ser divertida (El Hormiguero é a demostración), mais no meu colexio pódovos asegurar que non... Pois iso, a partir de agora quédanme longas partidas de Risk, torneos de Smack Down 07 e de Pro 6 na Play, enchentas de Age of Empires, ensaios do noso cutre-grupo e tardes na praia, entre outras moitas cousas... Que ben senta dicir isto :D
Saúdos!

Cuestionario Proust

2007-05-08T08:42:00.000-07:00

Pois aquí vou, co meu retraso habitual, co meme ao que me convidou o tristemente desaparecido A Randeeira :( Alá vou, queridos lectores:

O principal rasgo do meu carácter?
A indecisión.
A calidade que prefiro nun home?
A humildade, a honestidade, a valentía...
A calidade que desexo nunha muller?
As mesmas que nun home.
O que máis aprecio nos meus amigos?
A amizade é suficiente, resúmeo todo.
O meu principal defecto?
Só un? Se cadra o principal é a desconfianza, non sei...
A miña ocupación preferida?
A música, a lectura, o deporte...
O meu soño de dicha?
Pois entre outros moitos salvar o planeta Terra, que está na miña lista de "Things to do before I die" :P
Cal sería a miña maior desgraza?
Mellor non sabelo... :D
Que quixera ser?
Eu mesmo, pero con máis tempo libre, para, entre outras cousas, escreber máis a miúdo no blogue e ser máis asiduo ao blogomillo en xeral...
Onde desexaría vivir?
Gosto de vivir na Coruña, mais estaría ben pasar algunha temporadiña por aí fóra... Por certo, encántame viaxar :D
A cor que prefiro?
Gosto de todas as cores en xeral... Desde pequeno sempre me gustou o laranxa, hehehe :D
A flor que prefiro?
A do toxo.
O paxaro que prefiro?
O moucho.
Os meus autores preferidos en prosa?
Buf, tantísimos... J.R.R. Tolkien, Michael Ende, Castelao, Verne, Emilio Salgari, Gianni Rodari, Rowling e moitos máis...
Os meus poetas preferidos?
Celso Emilio Ferreiro e José de Espronceda.
Os meus heroes de ficción?

Buf, hai tantos... Direi Astérix e Obélix por todo o que me entretiveron (e me entreteñen) durante tantos anos ;)

As miñas heroínas de ficción?
Non teño ningunha predilecta... Aquí creo que se está notando o meu principal rasgo, a indecisión, hehehe...
Os meus compositores preferidos?
Wagner e Vivaldi.
Os meus pintores predilectos?
Non teño ningún favorito... :D
Os meus heroes da vida real?
Todos aqueles que loitan día e noite pola liberdade e a xustiza.
As miñas heroínas históricas?
Pois todas aquelas que non aceptaron a imposición do machismo e se levantaron contra el.
Os meus nomes favoritos?
Roi, Brais, Breixo, Breogán, Xiana, Xoana, Uxía...
Que detesto máis que nada?
Os prexuízos e o engano.
Que caracteres históricos desprezo máis?
Pois moitos, en xeral todos os relacionados coa discriminación de calquera tipo...
Que feito militar admiro máis?
A batalla das Termópilas, por exemplo...
Que reforma admiro máis?
A da RAG por suposto que non :P
Que dons naturais quixeras ter?
Con dons naturais a vida perdería emoción... xD Home, o da ubicuidade non me viría nada mal, hehehe...
Como me gustaría morrer?
Con moitas historias contadas aos meus netos :D
Estado presente do meu espírito?
Que é iso do espírito? :D
Feitos que me inspiran máis indulxencia?
Pois en xeral aqueles que saen mal, pero nos cales se fixo todo o posíbel para que non fose así.
O meu lema?
Pois aquí inclúo unha cita de Castelao: O verdadeiro heroísmo está en convertir os desexos en realidades e as ideas en feitos.

E pásolle a todos os que queiran facelo, e particularmente ao Galeguzo, a Lúa, a X, a André e a Besbelliña.

Contrastes (V)

2007-04-04T03:34:00.000-07:00

Pois aquí vai a miña quinta entrega da saga Contrastes, hehehe... Espero que gostedes :D.

Sonata Arctica - Wolf and Raven
Power Metal, Finlandia

Pois aquí tedes outra das grandes bandas de metal escandinavas, hehehe... Escollín esta canción de entre tantas excelentes porque gosto moito da forza que lle imprime ao tema o cantante, especialmente nos primeiros versos. Un dos mellores grupos de Power Metal actuais e cun grande futuro; temos Sonata Arctica por moito tempo :D.

Treixadura e Gaiteiros de Lisboa - Chula da Póvoa
Música Tradicional Galegoportuguesa, Galiza/Portugal
O mellor grupo de música tradicional galega únese ao mellor grupo de música tradicional portuguesa para cantar e demostrar que a cultura é unha, e de paso que mereceu ser considerada Património Imaterial da Humanidade pola Unesco ;).

Ensiferum - Hero in a Dream/Guardians of Fate
Viking Metal, Finlandia

Teño que dicer que o Moucho me aficionou moito a este grupo, e que me empachei uns días atrás a vídeos deles no Youtube :D. Aquí tedes a introducción do concerto e os dous primeiros temas, non teñen desperdicio :D.

Os Diplomáticos de Montealto - Oda ao futbolín
Folk, Galiza

Ai, que grande deporte o futbolín... :D Aquí tedes outro das grandes cancións do Xabarín que están colgadas no Youtube. Cantas veces escoitei eu este temazo, hehehe! :D Pena que os Diplos xa se desfixesen... D.E.P. Alexandre...

AC/DC - Rock & Roll ain't Noise Pollution

Hard Rock, Australia
Para unha das poucas cancións que sei tocar enteiras, que menos que poñela no blogue... :P Boísimo tema cunha letra moi interesante, hehehe... Sen dúbida un dos mellores grupos de rock da historia ;).

Saúdos!

Entrevista en El País

2007-03-20T13:26:00.000-07:00

Sopresa! :P Aínda que algúns xa o saberedes, teño que dicirvos que saín onte no periódico El País despois de ser entrevistado por Xosé Manuel Pereiro. A reportaxe saíu tanto na edición impresa como na virtual, e trata sobre os blogues galegos de xente nova ;). Non vos entreteño máis, aquí tedes a esperada reportaxe :D.

Querido ciberdiario

Los niños gallegos, incluidos los del rural, entran en el mundo de los 'blogs'

Hace tiempo que los creadores de la inmensa mayoría de los contenidos de Internet ya no son los denominados webmasters. Y el internauta como adicto a la informática con pocas habilidades sociales es ya una caricatura. Los blogs, las páginas personales extremadamente sencillas de crear y de mantener, han democratizado definitivamente Internet, consolidándolo como medio de comunicación multidireccional. Incluso en Galicia, una de las comunidades con menor índice de conexiones, el posible Eslogan "desde los 8 a los 95 años" es rigurosamente exacto.

De hecho, la página que hacen a medias la abuela de Muxía Maria Amelia López y su nieto, es un fenómeno que acumula 168.000 visitas desde que surgió a finales del pasado diciembre. Pero es el otro extremo de la pirámide de edad el que se está moviendo de forma más activa y espontánea. Paula García Rivero tiene ocho años y, desde enero, cuenta lo que le pasa en pauladeboiro.blogspot.com (3000 visitas hasta la fecha). Las excursiones, la clase de pandereta o los dibujos que hacen sus amigas. "Siempre me andaba insistiendo para que le hiciese un blog, y me dejaba comentarios en el mío, así que al final se lo hice", asegura su padre, Blas García. "Está mosqueado porque yo tengo más visitas", le pincha Paula. Lo que le resultó más difícil fue incluir fotos y videos, pero lo hace todo sola. Y no es que acampe delante de la pantalla. "Al contrario, prefiere salir a la calle y patinar", comenta Eva, su madre.

También le tienen racionado el ordenador a André Outumuro, un chaval de 12 años que vive en una aldea de Celanova, Rabal. André tiene 12 años y tuvo que insistirle a su padre, profesor de informática, para que le dejara tener una página. "Me resistía, le decía que si tienes un blog tienes que ser responsable, que es un compromiso mantenerlo. Él se registró y lo tunea a su modo", comenta Xullo Outumuro, que también vigila que el niño no se prodigue demasiado en blogs sesudos. Lo que más le gusta a André es que la gente lea sus posts (de momento lleva un millar de lectores). "No escribo muchos. No es por pereza, es que no tengo tiempo. También toco el saxofón en la banda de Celanova, en la de los mayores", dice.

En cierta forma, los blog han suplantado a los diarios secretos como medio de expresión, y desde luego han sustituido por completo a los clubs de fans infantiles como ámbito de relación, sobre todo en pequeños núcleos. Paula, por ejemplo, sabe de otro niño de Boiro, Adrián Casais, que tiene ciberdiario, pero no lo conoce personalmente a pesar de que va a un colegio al lado del suyo. También recibe peticiones de ayuda: "Paula, soy Antón. Ya te mandé un comentario en el que decía que me llamases y me dicises como se hace un blog. Es que yo, ni nadie de mi familia sabe y todavía no me respondiste".

André visita una página escolar, colectiva y multilingüe y un blog de dos niños de 10 años de Arzúa. "Lo que más me llama la atención es que muchos de estos blogueiros proceden del rural, donde las condiciones de acceso a Internet no son buenas. Otro aspecto positivo es que asumen el carácter multimodal - texto, imágenes y sonidos - y plurilingüe de la lectura", analiza Manuel Bragado, director de Edicións Xerais.

Paula y André aseguran que mantendrán tiempo su web. David Fontán también empezó a los 12 años: "Soy David. ¡No sabes cómo te agradezco que entrases en mi blog! Soy de A Coruña y tengo 12 años, ni uno más ni uno menos. Juego al balonmano y al fútbol cuando no tienen gente", decía su primer post, en enero de 2005. "Mejoró mi forma de contar las cosas, de hablar con los otros blogueros... Perdí el miedo que tenía cuando comencé. Lo mejor son las experiencias con gente que no podrías conocer de otra forma, la impresionante difusión que tienen los blogs", considera ahora. Una difusión que no considera limitada por el hecho de escribirlo en gallego. "No me lo planteé nunca, de tener un blog, lo tendré en mi idioma, digo yo...".

Porque todas las páginas citadas están en gallego (excepto la de la abuela de Muxía). Quizás porque en Internet la presión social es prácticamente nula. Para Martín Pawley que además de un conocido blogger es profesor y experto en literatura infantil, éste es uno de los aspectos más positivos de Internet: "Que haya un creciente número de páginas en gallego es importante y muy saludable además para combatir el tradicional victimismo llorón. Y por su carácter interactivo, parece claro que las bitácoras son una herramienta idónea para compartir y recoger información, además de romper esa idea de que la educación se limita el centro escolar, y que fuera empieza la selva".

Crónica do II All Stars

2007-03-20T10:37:00.000-07:00

Só de pensar o que vivín este domingo férveme o sangue, mais ordenarei as miñas ideas e relatarei o que ocorreu. De paso lede tamén as crónicas de Besbellinha, d'O Varal e d'A Randeeira ;).

Ás 12:00 chegamos meu primo e mais eu á pista da "Pateira", loxicamente sen imaxinar nada do que se nos viña enriba. Alí baixei ao campo de xogo, onde coñecín a Besbellinha, unha rapaza estupenda, e me reencontrei cos palanadores que repetíamos All Stars: A Randeeira, Zimmer103, Paradiso105, Sak, etc. Xa estaban repartindo os xogos de palán e billarda, e concretamente nese instante recibín a billarda que gardarei como trofeo toda a miña vida, hehehe... Comezamos todos a adestrar para o partido mentres repartían as camisolas dos dous combinados: azules os do oeste e laranxas os do leste.

Sobre as 12:30, xa feitos os emparellamentos do partido, comezamos a xogar. Eu fun de menos a máis, mais meu primo comezou forte: un pedazo semivarado desde o comezo que entrou cunha mestría que asombrou a todos e o fixo empatar esa eliminatoria. E a partir de aí o noso equipo comezou a funcionar de forma asombrosa: Sak, Besbellinha, Aitor, Anxo, Leti, Toño, Calve e eu superamos todo tipo de expectativas e sendo bastante principiantes fixemos sufrir aos laranxas, aínda que nos acabaran gañando de forma axustada... ;) E ao acabar o partido chegou o momento do día, polo menos o meu momento do día, hehehe.

Comezou o concurso de varados, e as rondas foron discorrendo até que case sen darme conta me atopei na final xunto con David Díaz e Juan Pico.

Sorprendentemente o primeiro en caer foi David Díaz, así que Juan e eu seguimos loitando pola victoria con forza.

E durante moito tempo seguimos pelexando con máis corazón que cabeza para acadar a gloria.

Mais despois de moitos golpes (algúns non mostrados aquí) chegou o meu erro. Non sei como carallo a billarda pinzou cara atrás, mais non puiden darlle ben e Juan alzouse coa victoria que realmente merecera. E todo hai que dicilo, o segundo posto foi para min unha verdadeira victoria contra palanadores de tal calibre :D.

E ao acabar o concurso e despois de responder diversas entrevistas (que gosto dicer isto :D), metémonos todos na impresionante guagua d'O Varal para dirixirnos cara o Restaurante Los Arces, en Eirís, e alí continuar a festa.

E aínda despois fomos cara ao centro da cidade, concretamente ao Patachim, e alí tomamos algo antes de dirixirnos xa con ganas de máis cara as nosas respectivas casas ;).

Obrigado a toda a xente d'O Varal que fai posíbel este magnífico deporte! E como di o lema: outro deporte é posíbel!!!

Saúdos!

II All Stars da Billarda

2007-03-15T14:35:00.000-07:00

Atentos todos, este domingo tedes unha cita na Zapateira! :D Despútase o segundo torneo entre palanadores do oeste e palanadores do leste, e se queredes participar non tedes máis que apuntarvos aquí ;). A diversión está garantida, hehehe!

Programa do II All Star de billarda-LNB:

12:00 Comezo do "Clinic" - Momento de recepción do material e toma de contacto co deporte, asesorado polos expertos da LNB.
12:30 Concurso de varados - Espectacular versión no deporte da billarda do concurso de mates.
13:00 Torneo-Exhibición - Inicio do all stars entre as estrelas do deporte da billarda do leste e oeste da Galiza
15:00 Xantar de confraternización - Unha festa non é festa se non rematan os participantes compartindo mesa e conversación (anótate)

Recordo cando o ano pasado me pasei pola Zapateira con intención de ver o maxistral xogo dos mestres da billarda e case sen darme conta metéronme a xogar por alí e fixéronme unha entrevista :D. Até conseguín algúns pontos no partido! :D
Durante o verán e algúns fins de semana practiquei na aldea co meu irmán, aínda que a superficie non é a máis adecuada. Unha corredoira chea de pedras para levantar a billarda, e unha leira cara a que tirar, así que a falta dun espazo decente o único que fixemos foron concursos cutres de varados, hehehe... Ultimamente non practiquei case nada e estou baixo de forma, mais espero facer algo útil para a selección do oeste :D. Espero que os orientais non abusen moito... :P
Quero vervos a todos por alí o domingo ! ;)
Saúdos!
David

PS: Despois de acabar os putos exames espero poder actualizar máis a miúdo... Teño que dicir que até agora non sabía o que era estudar, mais creo que non me queda ningunha nesta avaliación... A ver cando me dean as notas... ;) E pronto me poño ao día nos vosos blogues, hehehe...

Segundo bloganiversario / Contrastes (IV)

2007-02-15T09:28:00.000-08:00

Por fin chegou o día da celebración do meu segundo bloganiversario! :D Aí están os videos que me regalastes-pedistes, hehehe... Obrigado!

Korpiklaani - Wooden Pints
Folk/Viking Metal, Finlandia, de parte do Moucho

Led Zeppelin - Rock and Roll
Rock 'n' Roll/Hard Rock, Inglaterra, de parte da Randeeira

Skunk Anansie - The Skank Heads
(Alternative) Rock, Inglaterra, de parte de Lúa

Aerosmith - I Don't Wanna To Miss a Thing
Hard Rock, EEUU, de parte de Indara

The Pretenders - I'll Stand by You
Punk Rock, Inglaterra-EEUU, de parte de X

Tocotronic - Hi Freaks
Rock, Alemaña, de parte do Galeguzo

Tokio Ska Paradise Orchestra - Skaravan
Ska, Xapón, de parte do Iván

Mortician - Dead or Alive

Death Metal, EEUU, de parte do David (este video pode ferir sensibilidades, hai sangue e corpos mutilados :P)

Saúdos!!

Preparativos do meu segundo bloganiversario (outra vez atrasado...)

2007-02-06T08:13:00.000-08:00

Tiña razón Anónimo cando dixo que o home é o único animal que tropeza dúas veces (ou máis) na mesma pedra... O ano pasado xa se me pasou por 15 días o meu primeiro bloganiversario, mais este ano foi peor, xa van 22!!! Levaba xa uns días pensando nunha celebración orixinal convencido de que o meu bloganiversario era o 15 de febreiro, mais grande foi a miña sorpresa cando descubrín que o meu blogue nacera o 15 de xaneiro... :(
Mais como tamén dixo o grande Anónimo, máis vale tarde que nunca! Polo tanto, o 15 de febreiro será tomado como día oficial do meu bloganiversario no ano 2007 (para o ano que ven espero acordarme a tempo...).
Case me olvido, aquí está a miña proposición para o día 15... :D Pedireivos un regalo que vos sairá de balde, pedídeme unha boa canción para formar conxuntamente a cuarta entrega de Contrastes! Sería unha grande alegría para min, animádevos!! ;)
Saúdos!!

Liberdade de expresión!!

2007-02-02T09:17:00.000-08:00

Incríbel... Resulta que o PP quere fechar dous blogs simplemente por dar a súa opinión! En que século vivimos?? É triste que a isto lle chamen democracia... Resulta que a xente do PP ten medo de internet, ten medo de que a xente poida dicir o que pensa, ten medo do xornalismo libre que se fai nos blogues, ten medo de que se coñezan as súas xestións, ten medo das críticas, ten medo... E cren que denunciando van facer algo??? Pois o que conseguiron é que o blogomillo enteiro se movilice contra eles! Pola liberdade de expresión, falade do tema nos vosos blogues! Non (n)os calarán! Non (n)os fecharán!

Contrastes (III)

2007-01-17T09:14:00.000-08:00

Ola de novo! :P É un pouco triste que o meu primeiro post do ano sexa a 17 de xaneiro, mais bon, mellor tarde que nunca... A ver se perdo algo da pereza que me caracteriza e actualizo máis a miudo... Pois iso, que mellor que comezar o ano cunha nova saga de Contrastes??? Que eu saiba nada, así que con petición do moucho incluida aquí tedes máis videos da mellor música do mundo mundial, hehehe... Veña, comecemos! :D

Blind Guardian - Mirror Mirror
Power Metal alemán
Como vedes, aquí comeza unha nova etapa de Contrastes, coa web do grupo, o enderezo da letra e o estilo musical (isto copiello ao moucho, teño que admitilo, hehehe) incluidos! :D Este grupo case que non merece as miñas pobres palabras, así que mellor será que escoitedes isto, unha das mellores cancións de Power Metal da historia, hehehe...

The Dubliners - The Wild Rover
Folk irlandés
Recordo cando fai uns 4 anos nun pub irlandés de Salou fun pedirlle esta canción a un cantante de Leeds, que se meteu comigo porque facía pouco tempo o Leeds eliminara ao Dépor en 1/4 da Champions, hehehe... Foi moito, todo o pub emocionado cantando a canción... :D

Hammerfall - Hearts On Fire
Power Metal sueco

O mellor grupo de Power Metal fundado nos 90 con diferenza!! Non sabía se pór no blogue Blood Bound, Always Will Be (que xa a puxo lúa no seu blogue, obrigado de novo! :D) ou Hearts On Fire, mais ao final decidinme por esta última, hehehe... A ver se conseguides adiviñar como chega a baqueta á boca do batería, porque eu non o sei... :P

Zënzar - Sigue... e dalle!
Rock Duro galego!!
Non sei como non se me ocurrira antes buscar videos do mellor grupo de rock duro da Galiza, que por certo, son da miña aldea, hehehe! Menos mal que o galeguzo (que ten un blogue altamente recomendábel, visítadeo! :P) me comentou que podía poñer algunha canción destes cercedenses... :D Teñen cancións aínda mellores, moitas das cales podedes descargar gratuitamente na súa web. Non encontrei a letra da canción, mais enténdese perfectamente, hehehe! Seguide e dádelle!!! :P

Deep Purple - Burn
Hard Rock inglés
Aquí tedes un dos grupos precursores do heavy metal, que despois deu lugar a tantos estilos e grupos diferentes... Impresionante tema, o destes londinenses, hehehe...

E isto acábase por hoxe, hehehe... Teño que comentarvos que xa teño o baixo, un Ibanez GSR 200 pasivo (con tres rodiñas en vez de catro, polo tanto un pouco menos de potencia) negro brillante. É unha preciosidade, hehehe... Cando teña tempo póñovos unha foto e contovos que tal me vai :D
Saúdos!!

Feliciano 2007!!! :D

2006-12-31T11:34:00.000-08:00

Acábase o ano, e polo tanto, outro está a punto de comezar, hahaha... Neste 2007 espero comprar un baixo eléctrico e ir a clases, para máis adiante montar un grupo cuns amigos. Xa vos irei informando cando teña noticias... :D

Como dun post de felicitación do ano novo non se pode sacar moito máis, vouvos poñer unha foto que saquei hoxe absolutamente impresionante! Resulta que o pai dun amigo meu traballa de iluminador na Galega, e aos de Siniestro Total, despois dun concerto, olvidóuselles unha púa por alí! :D O caso é que o pai do rapaz colleu a púa e deulla ao seu afortunado fillo, que será guitarrista do noso futuro grupo, hehehe...

E para pechar, aquí tedes a mellor canción destes vigueses! Desfrutade, hehehe...
Siniestro Total - Bailaré Sobre Tu Tumba

O meu 11 inicial ;)

2006-12-28T07:21:00.000-08:00

Porteiro: Diego López.
Centrais: Rubén e Capi.
Laterais: Barragán e Jonathan Aspas.
Mediocampistas: Viqueira e Iago.
Interiores: J. Alvárez e Nano.
Dianteiros: Losada e P. Couñago.
Como o blogger non sube a miña imaxe co campo de fútbol e os xogadores, poñovos a aliñación así, aínda que non fique tan bonita... :D
Saúdos!!

Galiza - Ecuador!!

2006-12-27T15:09:00.000-08:00

Xa quedan menos de 24 h para o 2º partido da nosa selección!! Antes de ir a Riazor, sobre as 19:00, pasareime polo Campo da Leña. A ver se me encontro con algunhas caras coñecidas, hehehe... Despois irei cun amigo até o estadio e sentarémonos en Marathon Superior. Se algún de vós vai para alí, que me avise a ver se nos vemos.
Esta é a convocatoria para o partido:

Porteiros: Diego López (Real Madrid) e Roberto (Sporting de Xixón).

Defensas: Míchel Salgado (Real Madrid), Barragán (Deportivo), Jonathan Aspas (Celta), Roberto Lago (Celta B), Noguerol (Albacete), Capi (Murcia) e Rubén (Rácing de Santander).

Centrocampistas: Borja Oubiña (Celta), Manuel (Tenerife), Borja (Valladolid), Viqueira (Recreativo de Huelva), Cabanas (Colonia), Diego Castro (Sporting de Xixón), Iago (Deportivo), Nano (Cádiz) e Julio Álvarez (Numancia).

Dianteiros: Trashorras (Las Palmas), Couñago (Málaga), Losada (Valladolid), Nacho Novo (Glasgow Rangers) e Jonathan Pereira (Vilarreal).

Saúdos!!
PS: Mañán pola mañán poñerei no blogue a miña aliñación para o partido, hehehe!

XXX Aniversario da ACAB

2006-12-23T06:27:00.000-08:00

Hoxe, ás 20:30, celébrase o XXX Aniversario da Agrupación Cultural Alexandre Bóveda, ao que vou asistir, hehehe. Van actuar os Magical Brothers, Nordestinas, Maria Alice, Mª del Mar Bonet, Luar na Lubre e Mofa e Befa. Mais isto non é o mellor, os que colaboramos na organización do Samaín imos ir de asistentes dos grupos! Eu vou estar con Maria Alice e cos seus músicos, que veñen de Cabo Verde! Ademais, ao acabar a gala poderei coñecer o resto de artistas!!! :D
Xa vos contarei como foi, hehehe...
David
PS: Perdoade que non avisase antes, mais estas semanas tiven moitos exames e onte pola tarde, cando ía falar disto, falloume internet...

Contrastes (II)

2006-11-25T11:38:00.000-08:00

Pois aquí tedes a segunda entrega da miña saga musical, hehehe. Desfrutade!! ;)

Apocalyptica - Nothing Else Matters

Hoxe comezamos cunha enorme versión do tan famoso tema de Metallica. É incríbel como soan estes finlandeses utilizando unicamente chelos. Precioso.

Obrint Pas - Esperant
Aquí vos deixo a estes valencianos co seu excelente videoclip da canción Esperant. Vai dedicada ao amigo Ferrer. Espero que sexa do teu agrado (e do voso en xeral, hehehe)!

Helloween - I Want Out

Que podo dicir deste grandísimo grupo? Pois unicamente que aquí tedes unha das súas mellores cancións, na que soan tan rockeiros como sempre. Impresionantes.

WarCry - Tú Mismo
Grandísimo tema dunha das, para min, mellores bandas de heavy en español do momento. Esta dedícolla ao meu primo Aitor, que me deu a coñecer este grupo, hehehe.

Berrogüeto - O Sacauntos

Momentazo Xabarín!! Que nostalxia, que recordos... :D O único que podo facer é dar grazas porque alguén pasou o traballo de subir estes vídeos á rede. Teño unto, teño ghraxa, non quero saír da casa... :D

PS: Aínda que todo isto quedará eclipsado pola maqueta que nos adiantou que proximamente sacará o amigo moucho. ;)

Farenheit 451

2006-11-24T15:04:00.000-08:00

Quero ser un home-libro...

Indignación

2006-11-21T07:21:00.000-08:00

Se vos digo a verdade, facía tempo que un partido de fútbol non me sentaba tan mal. E non é por perder na casa contra o Celta, senón pola imaxe que demos... Dominamos ata o minuto 30 da segunda parte de maneira clarísima, mais chega o Celta, tira por primeira vez a portería e mete gol. Acabouse o partido. E non é que nós tirásemos moito, mais chegamos á área contraria moito máis que os vigueses... E o peor, a parte de que non teñamos un goleador decente, é que nos metan un gol e nos dediquemos a tirar desde o medio do campo, a ver se metemos... A reacción nos últimos 15 minutos foi nula, e tendo xogadores bastante novos parece que deberíamos atacar con máis forza cá antes...
O de Caparrós aínda é máis penoso... Pon de titular a Arizmendi, que eu non sei se terá sitio no filial, cando está lesionado, de forma que gasta un cambio na 1ª parte sen necesidade ningunha. Ademais, Estoyanoff merece xogar moito máis que o Arizmendi este... Tamén está Lopo, que logo de facer un partidazo tirase descaradamente cando ten unha amarela... Despois está Iago, que coa calidade que ten e nun partido como este debe xogar os 90 minutos. O tema do Taborda xa é un caso á parte, mellor diso xa non opino...
Pois iso, en Balaídos saldáremos esta débeda con sangue, MUHAHAHAHAHA...
FORZA DÉPOR!
PS: Como xa saberedes, houbo un acertante na porra do partido, hehehe. Parabéns, David!! ;)

De festa no parque!

2006-11-18T11:51:00.000-08:00

Como algúns de vós me pedistes que me gravase co bodhran, acordeime de que tiña uns vídeos deste verán nos que estamos meu irmán e eu tocando no Parque de Santa Margarida. Fáltanos moita práctica, mais faise o que se pode, hehehe. Así que mentres non grave algo co bodhran, déixovos este vídeo no que estamos a tocar a Muiñeira de Valdeferreiros. Para o ano que vén preséntamonos ao Runas!! ^^

Volve o clásico!!

2006-11-17T07:41:00.000-08:00

Despois do enorme partido contra o Barça e do tostón co Nástic, volve o clásico galego, ao que os dous clubes chegan nun momento de xogo bastante malo... Como vén sendo habitual, vou facer unha porra na que espero que participedes, hehehe. Eu aposto por un 3-0 para o Dépor, xa que sempre nos crecemos nestes partidos... :D
FORZA DÉPOR!!
P.D: Déixovos un regalo para a vista do malabarista máis grande que o Dépor tivo nunca. E precisamente fixo isto contra o Celta, hehehehe. Enorme Djalma!!!

Samaín na Cidade Vella

2006-11-11T05:15:00.000-08:00

Hoxe, ás cinco da tarde, comeza a celebración do III Samaín-Magosto na Praza da Fariña! Non é o día exacto de celebrarse, mais por diversas razóns non se puido facer antes. Organízano a Agrupación Cultural Alexandre Bóveda e a Asociación de Veciños da Cidade Vella. Aviso con moi pouca antelación, mais se podedes e estades interesados pasádevos por alí ao longo da tarde. Haberá castañas, viño e queimada a prezos populares!! ;) Eu estarei "traballando" nos obradoiros, así que espero vervos a todos por alí! :D
Saúdos!
PS: Se non sabedes onde está a praza, podédela buscar neste mapa da Coruña. ;)

Volta ao rego

2006-11-05T08:48:00.000-08:00

Hoxe, por fin, regreso deste parón de case un mes debido á cantidade de exames que estou tendo. O que aínda non consigo entender é a razón pola que a maioría dos profesores se interesan en cargar dúas semanas con todos os exames, se hai tempo suficiente para non agobiarnos... Tanto ten, é unha destas dúbidas que non ten resposta lóxica... ;) Volvendo ao tema, debo dicirvos que regreso con máis forza aínda e espero postear máis a miudo, hehehe.

Téñovos que comentar que levo xa máis de un mes indo a un curso de bodhran na Repichoca, e que xa aprendín algunha que outra cousa... :D Onte tivemos clase e o profesor trouxo a un rapaz que toca a flauta traveseira, o whistle e a requinta. Estivemos tocando bastante tempo, e ao final acabounos saíndo bastante ben Irish Jig, de Gwendal :). Aprendemos moito e ademais pasámolo moi ben, hehehe.

Este bodhran da foto fíxoo o meu profesor, Pablo. Ficou bonito, verdade? :D Temos un profe que non o merecemos, hehehe.
Déixovos cunha verdadeira exhibición do que é tocar o bodhran. O percusionista é Puru, do grupo asturiano Corquiéu. ;)

Saúdos!

Contrastes (I)

2006-10-07T02:55:00.000-07:00

Levaba bastante tempo pensando nun nome para a miña saga musical, e ao final decidinme por contrastes, nome que comprenderedes pronto, hehehe. Espero que gostedes. ;)

U2 - Beatiful Day

Comezaremos cunha das mellores cancións dun dos meus grupos favoritos, hehe. Estaba dudando con que grupo comezar a saga, mais ao final decidinme por estes grandes irlandeses. ;)

Scorpions - Wind of Change
Seguimos con grupos míticos, hehe. Cantas veces asubíastes ese marabilloso comezo? ;)

Iron Maiden - The Number of The Beast
Como non atopaba un vídeo decente de The Fallen Angel, decanteime polo da miña segunda canción favorita dos Maiden. Que grande ese Bruce con melena, hehehe.

The Chieftains & Friends
Que bos son e que ben o pasan, hehehe. Ides pillando o do nome da saga, non? :D

Judas Priest - Painkiller
E por hoxe xa vai chegando, hehehe. Pecho coa mellor canción dun dos máis míticos grupos de heavy. ;)

Saúdos!

Recordos...

2006-10-01T04:24:00.000-07:00

Estou facendo limpeza na habitación e ordenando os meus cd's. Véñenme á cabeza aquelas tardes viciándome cos amigos ao Civilization II, ao Age of Empires II, ao PC Fútbol 5.0, ao Commandos, ao PC Basket 4.0, ao Worms Armaggedon, ao Wacky Wheels... A algúns deles aínda sigo xogando, mais xa non teño tanto tempo libre... Quero volver pasar as tardes con eses xogos!!! :D

PS: Parabéns á selección galega de billarda pola súa victoria 21- 27 frente a Asturies! ;)

Asturies - Galiza

2006-09-23T11:28:00.000-07:00

Mañán debuta en Piyarnu a selección galega de billarda! Eu, por desgraza, non poderei ir, mais se podedes asistir non volo perdades.

Outro deporte é posíbel!!!

A polo ghit!!! (II)

2006-09-12T06:29:00.000-07:00

Pois xa temos a canción gañadora do concurso! É In the ocean, de Pulpiño Viascón. Non é a miña favorita, mais non me queda máis que aceptala decisión deste entendido xurado. :D
Esta foi a clasificación final:

1º.- In the ocean, de Pulpiño Viascón.
2º.- Kalindra Xida, da Banda Potemkin
3º.- A ruta do colesterol, da banda da señorita e Tomasa.
4º.-Sandra Dee, de The Homens.
5º.-A das festas, de Guezos.

Para min deberían ser finalistas 5 destas 9 cancións (non consigo decidirme, eu non podería formar parte do xurado :D):

- A min non t b´s, de Zimmer 103.
- Marquinhos, de La Sonora Callejera.
- Kinston-Santiago, dos Transilvanians.
- Kalindra Xida, da Banda Potemkin.
- A das festas, dos Guezos.
- Sandra Dee, de The Homens.
- A marcha dos cheíñas, de Vaamonde, Lores e Romero.
- Como os caranguejos, de Projecto Mourente.
- A cabra makabra, dos Festicultores Troupe.
Non inclúo nestas favoritas a Markinhos Drinkin, co seu Iogur de fresa, e ao Leo, coa Cançión do vagho, aínda que serían as gañadoras na categoría humorística, hehe.
Un saúdo!

A polo ghit!!!

2006-09-08T11:23:00.000-07:00

Mañán ás 11:00, no Extrarradio da TVG, decídese cal é a canción vencedora do concurso A polo ghit! Agora marcho para Vigo, mais o luns ou o martes dareivos ás miñas impresións sobre a decisión do xurado formado por Nonito Pereira, Xil Ríos, Mónica Ares e Pía de Tolomei.
Un saúdo!

100 posts!!!

2006-09-02T11:10:00.000-07:00

Este é o meu post número 100! Viva!! xD

Cando comecei con isto do blogue non agardaba chegar a esta cifra, mais aquí me tedes! ;) Para celebralo, poñerei unha foto da torta de cabelo de anxo que fixo a miña avoa hoxe pola mañán :D.

Ademais, cambio a foto que tiña de imaxe no blogue por unha dunha pataca moi curiosa que atopou miña nai na colleita do ano pasado, á que si asistín, hehe.
Agradézovos moito a todos a vosa fidelidade visitando o meu blog!
Un saúdo
David

Nota: Se vos interesa a receita, non tedes máis que pedila. ;)

Preguiceiro...

2006-09-02T06:55:00.000-07:00

Pois si, ultimamente ando un pouco preguiceiro co de escribir no blogue... Non é por que non tivese cousas que contar, mais estes días non me daba posto para escribir nada. Ultimamente dedícome, entre outras cousas, a ver o Mundial de baloncesto, a Volta a España ou a ler Naruto, aínda que tamén fun á Feira do Libro e á do Comic cuns amigos. Ah, e eu tamén safei de ir apañar as patacas grazas ao retraso de meu irmán ao volver de Alemaña, hehe.
Ademais, o xoves aburríame e como meu irmán ía para Vigo marchei con el no tren. O día seguinte vin o Grecia - EEUU de basket na casa, despois baixamos a almorzar a unha pastelería e ao acabar fomos andando cara a estación. Como nos collían de camiño paramos nunha tenda de Norma Editorial e noutra d'A Vaca Láctea. Na d'A Vaca Láctea comprei unha chapa do mestre Mutenrohi moi simpática :D. Despois collemos uns bocadillos e reunímonos con miña nai na estación. No tren de camiño á Coruña os tres comemos os bocadillos mentres viamos as consecuencias dos incendios. Ao pasar por Caldas vimos a menos de 200 m o incendio que provocou unha empresa química. Era impresionante! Ao chegar á Coruña baixei a dar unha volta cuns amigos e un deles deixoume os tomos 6 e 7 de Naruto. Estou enganchado a esa serie! :D
Un saúdo!
PS. Onte encestei unha servilleta desde o chan nun vaso que estaba enriba da mesa a 3 metros de distancia. Por que non estarei no Xapón? ;)

Dépor 3 - 1 Milan

2006-08-14T02:40:00.000-07:00

Onte fun ver a final do Trofeo Teresa Herrera a Riazor, na que o Deportivo se impuxo ao Milan por 3 - 1. Bon, en realidade tamén vimos o 3º e 4º posto case enteiro, xa que a entrada incluía obligatoriamente os dous partidos...

Antes de comezar, chegaron un rapaz e dúas rapazas belgas moi simpáticos que animaban ao Milan porque lles gostaba Kaká. Falei algo con eles no meu simple inglés e dixéronme que A Coruña lles parecera moi bonita e que eran de Antwerpen (Amberes), a segunda cidade mais grande de Bélxica.
No que respecta ao partido, o Dépor (coa maioría dos convocados acabados de fichar) deulle un repaso ao Milan (con todos os titulares excepto Dida), que só puido marcar nun penalti máis que dudoso. Co 3-1, os belgas xa animaban ao Deportivo coma os demáis :D. Este equipo promete... ;)
Un saúdo

Arde Galiza

2006-08-09T14:06:00.000-07:00

Estamos vivindo unha das peores catástrofes ecolóxicas da nosa historia (polo menos da miña), e o peor é que non se lle encontra solución. Non se coñecen os oscuros propósitos que están facendo que o noso monte arda dunha forma como esta. Hai tantas preguntas para tan poucas respostas... Xa hai tres mortos, mais algo me di que a cifra vai subir. Hai que facer algo xa!
NUNCA MÁIS! O NOSO MONTE IMPORTA!
PD: Se queredes informarvos ou colaborar, podedes chamar ao 900 400 800.

Dragon Ball

2006-07-31T11:51:00.000-07:00

Supoño que todos recordaredes Dragon Ball, a serie que emitiu a TVG durante moitos anos. A primeira parte da serie, titulada As bólas máxicas, ten unha canción de difícil comprensión. Aquí abro un debate sobre o que di no primeiro verso do refrán: "Temos que [???????] bóla do dragón". A min paréceme que quere dicir "temos que loitar pola bóla do dragón", mais o que se entende é "temos que lullar", ou algo parecido. Déixovos aquí o vídeo que abre os capítulos desta serie

e tamén o que abre os da segunda parte, Dragon Ball Z.

Un saúdo

Día da Patria

2006-07-25T03:04:00.000-07:00

Este blogue deséxavos a todos un feliz Día da Patria! ;)

Parabéns, Óscar!

2006-07-24T01:28:00.000-07:00

Este post vai dedicado á fazaña de Óscar Pereiro no Tour, a quen lle temos que agradecer que nos fixese soñar con que un galego podería gañar a ronda francesa. Ao final foi 2º, mais se os CSC e os T-Mobile traballasen para recortarlle tempo a Landis (parabéns para el tamén) camiño a Morzin, a cousa sería diferente. O mellor é que os CSC quedaron sen ninguén no podio pola súa aposta tan atrevida... Bon, o ano que ven estaremos animando a Óscar de novo sabendo que é un dos favoritos para facerse co Tour.

Incríbel!

2006-07-20T13:39:00.000-07:00

O que pasou hoxe no Tour era algo insospeitado por todos. Que atacase Landis no primeiro porto non era agardado por ninguén, mais a pasividade dos equipos ao non relevar ao Illes Balears no intento de atrapar ao americano foi totalmente inesperado. Ao final, Floyd gañou a etapa cunha exhibición digna dos mellores da historia ao escaparse durante 130 kms. Óscar Pereiro conseguiu conservar o liderado, seguido na xeral a 12'' por Sastre e a 30'' por Landis. Crese que a etapa de mañán, cun porto de 2ª, un de 3ª e un de 4ª, será de transición, mais neste tour tan aberto nunca se sabe... VAMOS ÓSCAR!!!

Grande Pereiro!

2006-07-19T13:51:00.000-07:00

Ao comezar o Tour, moitas esperanzas estaban depositadas en Óscar Pereiro para acabar entre os cinco primeiros na xeral, mais despois de perder 26'26'' frente a Landis en Pla de Beret xa ninguén confiaba nel. Dous días despois meteuse nunha escapada camiño a Montélimar e chegou 2º á meta, con 29'57'' sobre o pelotón. Desta maneira púxose líder do Tour antes de chegar aos Alpes, con 1'29'' de vantaxe sobre Landis. Óscar seguiu de líder até L'Alpe d'Huez, onde perdeu 1'39'' con Floyd Landis, que parecía o máis forte. Na etapa de hoxe, que acabou en La Toussuire, porto até agora inédito no Tour, o de Mós foi 3º sacándolle 8'10'' a Landis e demostrando que ten forza suficiente para vestirse de amarelo en París. Agora mesmo é 1º con 1'50'' sobre Sastre, 2'29'' sobre Klöden, 2'43'' sobre Dessel e 2'56'' sobre Evans. Floyd é 11º a 8'08'' do galego.
Isto xa non é un soño, o de Mós ten na súa man ser o primeiro galego en gañar un Tour.
Un saúdo.
David

Acabouse... :(

2006-07-11T14:30:00.000-07:00

Pois si, o título refírese á Copa do Mundo... Como xa saberedes, a campiona do Mundial foi Italia, que lle gañou a Francia a final nos lanzamentos de penalty. O tempo reglamentario acabou 1-1, con goles de Zidane e Materazzi. Estes dous foron os protagonistas do partido, mais non só por marcar un gol cada un. Na prórroga, o capitán francés foi expulsado por agredir a Materazzi. Hai diferentes versións sobre o que lle dixo o defensa italiano a Zidane, mais esa reacción non está xustificada de ningunha forma. O que non entendo é por que Zidane non se puido conter, sabendo que era o seu último partido e deixaba ao seu equipo con dez. O curioso é que lle dean a el o premio ao Mellor Xogador da Copa despois do que fixo... Parece que os defensas non teñen dereito a receber un só premio, mentres os atacantes lévanos todos. Vendo o xogo de Fabio Cannavaro, non entendo por que Zidane foi designado mellor xogador do Mundial...
Agora haberá que agardar catro anos para o próximo Campionato, que se disputará en Sudáfrica.
Un saúdo!
P.D: Non houbo acertantes na porra do Mundial, aínda que o que máis perto estivo foi David ao votar por Alemaña. Parabéns! ;)

Resumo da viaxe

2006-07-11T14:26:00.000-07:00

Aquí está o resumo da viaxe á Ribeira Sacra. Non era sen tempo... :D

O primeiro día chegamos pola tarde áo camping de Augasmestas (Quiroga) e deixamos as maletas nos bungalows. No meu bungalow só durmimos Adrián e eu, así que tivemos sitio máis que de sobra. Como era tarde, cada un fixo o que lle apeteceu: uns foron pasear, outros descansaron, outros xogamos ao fútebol... Á hora de cear xuntámonos no restaurante e despois fomos a dar un paseo por Monforte. Ao chegar ao camping fómonos deitar, xa que o luns nos agardaba unha boa camiñada.
A rota do luns foi polos montes d´O Courel, que vos recomendo visitar. Non foi tan duro como o ano pasado, mais chegoulle ben. O Courel debe de ser unha das poucas zonas galegas libres de eucaliptos e onde os bosques son autóctonos. Entre outras cousas, durante o camiño visitamos a Fonte de Ferro, de onde mana auga cunha grande cantidade de ferro na composición, vimos o que algúns consideran o famoso Monte Medulio... Paramos nun mirador para comer uns bocadillos e seguimos andando. Coa tarde ben entrada acabamos a rota e fomos a un bar nunha aldea chamada Ferreirós. O dono do bar tallou artesanalmente as mesas, sillas e bancos que utilizan os seus clientes. Despois de tomar algo montamos no autobús para volver ao camping, onde aínda tivemos tempo de ir bañarnos a un embarcadoiro no Sil xunto ao camping antes de cear e deitarnos.
O martes visitamos As Médulas. Aínda que algúns xa as coñecíamos, impresionáronnos tanto como a primeira vez. Fixemos unha visita guiada e tivemos a oportunidade de entrar en varias covas. Unha delas tiña un grande desnivel, así que ao saír baixamos a costa correndo a todo dar deixándonos levar pola inercia. O que non sabiamos é que estiveramos a punto de provocar o derrumbe da cova! Parece que fóra da caverna se sentiu un ruido fortísimo e que a guía pensou que ía haber un desprendimento. E nós sen enterarnos até que saímos!! :D Despois fomos a un restaurante na zona e un pouco máis tarde marchamos para o camping no autobús. Unha vez alí bañamonos de novo no Sil, cambiámonos e marchamos a cear a Monforte. Despois de dar unha volta pola vila volvemos ao camping para descansar.
O mércores foi o último día de excursión. Visitamos unha adega de Regina Imperial, onde nos explicaron os tratos que recebe o viño desde que se elabora até que é envasado. Despois da degustación do viño fomos no autobús até o embarcadoiro de San Estevo, desde onde saía o noso catamarán polo río Sil. Fixemos unha viaxe de aproximadamente 1:30 h e despois comemos de bocadillo. Ao acabar visitamos un mirador desde o que se ve unha parte do Sil e logo fomos até Chantada. Alí paramos a tomar algo e demos un paseo pola vila. Por último montamos no autobús, que nos levou até o CRD, onde nos despedimos antes de marchar para as nosas casas.
A verdade é que foron catro días moi ben aproveitados.
Un saúdo
David

Parabéns!!

2006-07-09T14:32:00.000-07:00

Hoxe é o aniversario de meu irmán, mais como non teño ningunha foto a man, déixovos o enlace para que vexades unha na que sae moi favorecido :-P.

PARABÉNS!!!

A Randeeira

2006-06-24T08:07:00.000-07:00

Recoméndovos un blogue moi interesante que desde fai pouco forma parte do blogomillo. Visitádeo, vale a pena ;).

Á Ribeira Sacra

2006-06-24T07:06:00.000-07:00

Mañán marcho de novo á Ribeira Sacra, mais esta vez será diferente que a anterior. Irei, ao igual que o ano pasado, coa residencia de estudantes da miña nai. Creo que camiñaremos bastante, mais nada comparado coa viaxe aos Picos de Europa, relatada en seis capítulos en xullo do 2005 ;-). O mércores volvo a Vigo e cando poida contareivos que tal foi.
P.D: Hoxe fun até Maldizer, unha tenda de roupa que hai na Praza de Santa Lucía e merquei esta camisola tan bonita, aínda que esta tamén me pareceu simpática :D
Un saúdo
David

1/8 de final

2006-06-24T06:54:00.000-07:00

Despois da primeira fase, na que as mellores seleccións foron España e Arxentina, chegan os oitavos de final. Hoxe dispútanse dous partidos: Alemaña - Suecia e Arxentina - México. Parten como favoritas Alemaña e Arxentina, aínda que non me extrañaría que se dese algunha sorpresa...

O resto de encontros destes 1/8 son:
Italia - Australia
Suíza - Ucrania

Inglaterra - Ecuador
Portugal - Holanda

Brasil - Ghana
España - Francia

Grupos E-H

2006-06-09T14:34:00.000-07:00

GRUPO E

Italia: A selección azzurra preséntase no Mundial como unha das maiores bazas para facer algo importante. É unha equipa moi equilibrada e parece que non xogará tan ao catenaccio como acostuma facer... Se marca primeiro será difícil remontar para calquera selección que esté enfronte.
Mellor xogador: Gianluigi Buffon, porteiro (Juventus).

República Checa: A selección checa é, con diferenza, unha das mellores de todo o mundo. Varios dos seus xogadores máis importantes están ante a súa última oportunidade de gañar algo como selección, así que pode ser firme candidata para ser a revelación.
Mellor xogador: Petr Cech, porteiro (Chelsea).

Ghana: Está nun dos grupos máis duros do Campionato, mais non vai a Alemaña de paseo. Conta con xogadores como Kouffour, Essien, Appiah ou Amoah que xogan nas mellores ligas do mundo. Teñen todo para dar a sorpresa.
Mellor xogador: Michael Essien, centrocampista (Chelsea).

EEUU: A selección norteamericana mellorou moito en pouquísimos anos. Xogan de forma directa e ofensiva, cousa que xa foi demostrada fai catro anos, cando chegaron a 1/4 logo de eliminar á poderosa Portugal. É un conxunto realmente perigoso.
Mellor xogador: Landon Donovan, centrocampista (LA Galaxy).

GRUPO F

Brasil: A canarinha reúne neste Mundial unha das mellores seleccións da historia. Están varios puntos por riba das demais equipas e calquera resultado que non sexa gañar será un fracaso. Son a maxia e o talento en estado puro.
Mellor xogador: Ronaldinho Gaúcho, centrocampista (F.C. Barcelona).

Croacia: Non contan cunha selección co talento da do 98´, cando foron terceiros, mais teñen un conxunto moi equilibrado. Sen grandes figuras, teñen moita solidez e unha grande mentalidade gañadora.

Mellor xogador: Niko Kranjcar, media punta (Hajduk Split).

Australia: Entrenada por Guus Hiddink, acostuma xogar con sistemas realmente ofensivos. Conta con dianteiros como Kewell, Viduka ou Aloisi, que poden chegar a ser moi efectivos. Haberá que telos en conta.
Mellor xogador: Mark Viduka, dianteiro (Middlesbrough).

Xapón: A selección agora entrenado polo brasileiro Zico non fixo un mal papel no último Mundial e espera, como mínimo, repetilo. O selección nipona xa está ao nivel de Europa e América.
Mellor xogador: Shunsuke Nakamura, centrocampista (Celtic Glasgow).

GRUPO G

Francia: Os galos queren repetir o éxito do 98´ para adicarllo a Zidane, xogador que se retira ao acabar este Campionato. Ao igual que a República Checa, conta con varios xogadores que están ante o seu último Mundial e queren facer algo importante. A selección francesa é unha das favoritas neste Mundial.
Mellor xogador: Thierry Henry, dianteiro (Arsenal).

Suiza: A selección suíza conta cunha nova xeración de excelentes xogadores que vai dar moito que falar. Teñen un porteiro e unha defensa seguros, un centro do campo con grande creatividade e unha dianteira moi efectiva.
Mellor xogador: Ricardo Cabanas, centrocampista (Colonia).

Corea do Sur: Vailles ser case imposíbel repetir o éxito de fai catro anos, cando foron cuartos. Non terán grandes estrelas, mais ilusón e entrega non lles falta.
Mellor xogador: Park Ji-Sung, centrocampista (Manchester United).

Togo: Só tres dos integrantes da selección africana non están en ligas europeas, aínda que a súa selección terá difícil dar a sorpresa. Sen Adebayor, a súa estrela, non estarían neste Campionato.
Mellor xogador: Emmanuel Adebayor, dianteiro (Arsenal).

GRUPO H

España: Ten un grande conxunto con xente moi nova, mais pode ser que non sexa suficiente para facer algo importante. Seguramente pasarán da primeira fase, mais quedaran eliminados en 1/4 como soe pasar?
Mellor xogador: Xavier Hernández, centrocampista (F.C. Barcelona).

Ucrania: Esta selección xoga por e para Sheva, un dos mellores dianteiros do fútebol actual, mais tampouco conta cun mal conxunto. Esperan pasar da primeira fase.
Mellor xogador: Andriy Shevchenko (A.C. Milan).

Tunisia: Moi poucos integrantes desta selección xogan no seu país, a maior parte están en importantes clubes europeos. Veremos se conseguen chegar a oitavos.
Mellor xogador: Francileudo Dos Santos, dianteiro (Toulouse).

Arabia Saudita: Os fillos do deserto son tan capaces de dar a sorpresa como de decepcionar, tal e como o fixeron en Corea e Xapón. Esperan facer un mellor papel que fai catro anos.
Mellor xogador: Sami Al Jaber, dianteiro (Al Hilal).

Grupos A-D

2006-06-08T05:32:00.000-07:00

GRUPO A

Alemaña: Unha das grandes favoritas para facerse coa Copa do Mundo. A anfitriona do torneo conta con grandes xogadores, mais pode que a presión de xogar na casa vaia na súa contra... Parece que non terá problemas para pasar de fase de grupos.
Mellor xogador: Michael Ballack, centrocampista (Bayern Munchen).

Polonia: A equipa polaca intentará augarlles a festa aos seus veciños alemáns. Conta cun estilo de xogo rápido e espera non decepcionar como fai catro anos, cando caeu na 1ª fase.
Mellor xogador: Maciej Zurawski, dianteiro (Celtic Glasgow).

Costa Rica: Esta selección principalmente ofensiva caracterízase polo súa entrega e resistencia. Quere dar a sorpresa derrotando aos anfitrións no partido inaugural do 9 de xuño.
Mellor xogador: Paulo César Wanchope, dianteiro (Herediano).

Ecuador: Os ecuatorianos desputan o seu segundo mundial. Aínda que teñen difícil pasar a oitavos, fai catro anos xa deron a sorpresa ao gañar frente a poderosa Croacia.
Mellor xogador: Agustín Delgado, dianteiro (LDU Quito).

GRUPO B

Inglaterra: O cabeza de serie do Grupo B acude ao Mundial cuns xogadores excelentes. A selección inglesa conta cunha gran defensa e cun gran ataque. É unha das grandes favoritas para alcanzar a gloria.
Mellor xogador: Frank Lampard, centrocampista (Chelsea).

Suecia: Un dos conxuntos máis atrevidos e cun maior potencial atacante. Xoga ao fútbol tocando moito o balón e gosta de trenzar xogadas. Ten unha dianteira realmente efectiva.
Mellor xogador: Henrik Larsson, dianteiro (F.C. Barcelona).

Paraguai: Encadrada nun difícil grupo, ten como soño pasar a 1ª fase. Destaca a súa entrega en cada minuto e a súa loita até o final do patido.
Mellor xogador: Roque Santa Cruz, dianteiro (Bayern Munchen).

Trinidade e Tobago: É a tapada do grupo. Este é o seu primeiro mundial, ao que chega para aprender e desfrutar.
Mellor xogador: Dwight Yorke, dianteiro (Sydney FC).

GRUPO C

Arxentina: Unha das seleccións con máis talento das que acuden á cita mundialista. Conta cunha defensa sólida, un centro do campo con grandísima calidade e unha dianteira moi eficaz.
Mellor xogador: Juan Román Riquelme, media punta (Villarreal).

Holanda: Aspira a facer algo grande nesta Copa do Mundo. Cunha enorme vocación ofensiva, é un dos poucos equipos que convocou a tantos dianteiros como centrocampistas, aínda que na súa lista deberían estar Roy Makaay e Clarence Seedorf.
Mellor xogador: Arjen Robben, extremo esquerdo (Chelsea).

Serbia e montenegro: É un conxunto que se pecha atrás e xoga ao contra ataque con precisión. É moi eficaz rematando a portería e espera deixar fóra a un grande no denominado grupo da morte.
Mellor xogador: Mateja Kezman, dianteiro (Atlético de Madrid).

Costa de Marfil: A perigosa selección marfileña está no grupo máis complicado dos oito. Os elefantes veñen de facer un excelente papel na Copa de África e queren dar a sorpresa neste mundial.
Mellor xogador: Didier Drogba, dianteiro (Chelsea).

GRUPO D

México: Conta cun conxunto de xogadores excelente que pode dar moito que falar. Nos últimos mundiais decepcionou ao non pasar de oitavos, mais neste intentará non cometer o mesmo erro.
Mellor xogador: Rafael Márquez, defensa central (F.C. Barcelona).

Portugal: Quedouse ás portas de ser campiona de Europa fai dous anos. Pode facer algo importante, xa que ten ben cubertas tódalas zonas do campo. Intentará profundizar polas bandas.
Mellor xogador: Cristiano Ronaldo, extremo dereito (Manchester United).

Irán: Aínda que non o pareza, esta é a terceira participación dos persas no Mundial. A selección iraní conta con xogadores experimentados en Italia e Alemaña.
Mellor xogador: Ali Karimi, media punta (Bayern Munchen).

Angola: Os palancas negras foron os verdugos de Nixeria e Arxelia na fase de clasificación. Chegan con ilusión e, se Mantorras e Akwa están acertados, poden dar unha grande sorpresa.
Mellor xogador: Pedro Mantorras, dianteiro (Benfica).

Mundial de Alemaña 2006

2006-06-07T09:19:00.000-07:00

Faltan dous días para o partido inaugural da Copa do Mundo 2006. 32 seleccións disputarán un total de 64 partidos, mais só unha alcanzará a gloria. Poderemos disfrutar da maxia de Brasil, da forza de Italia, do bo xogo da República Checa, da disciplina de Alemaña... A gran favorita sera a selección brasileira, aínda que nestes campionatos nunca se sabe. Gostaría de que gañase unha equipa como Brasil, a República Checa, Holanda, Suecia Arxentina ou Portugal, que polo menos xogan ben ao fútbol. Tamén estaría ben que Angola chegase lonxe, hehe. España quedará eliminada en 1/4, como vén sendo tradición ;). Que comece o espectáculo!!!

A propósito, quen é a vosa favorita?

P.D: Aquí tedes o calendario de xogos a disputar.

Meme

2006-05-26T11:47:00.000-07:00

Uz mandoume este meme. Aquí vos van as miñas respostas:
O que sería eu no caso de ser...

...un mes: decembro ou agosto
...un dia da semana: o sábado
...un momento do día: a hora de durmir e a de comer :-D
...un planeta: Naboo
...un animal: un ourizo cacho (concretamente o meu Cachinho :D)
...un móbel: un sofá
...unha bebida: a auga
...un instrumento musical: un tamboril
...unha froita: un pexego
...unha canción: Beautiful day, de U2, entre moitas outras
...unha materia: historia
..unha parte do corpo: os ollos
...un obxecto: un libro
...unha comida: lasaña, hehe
...un personaxe animado: Garfield ;)
...un número: o 1490 (desde fai unhas dúas semanas, exactamente)
...un coche: calquera bonito e cómodo
...unha cidade: A Coruña
...unha dor: non gostaría de ser unha dor
...un mar: o Océano Atlántico
...un idioma: o galego
...unha flor: o trebo e o toxo (si, o trebo é unha flor)
...unha cor: laranxa
...un verbo: soñar
...unha estación do ano: inverno ou verán
...unha prenda de vestir:___
...un libro: calquera relacionado coa Terra Media
...un país: Galiza
...un lugar: a sombra dun carballo
...un deporte: a billarda, o fútebol e o balonmán
...un filme: A vida de Brian
...unha marca: unha boa, bonita e barata :-P
...unha serie: Os Simpson e Friends (esta última sen tantas temporadas, que acabou aburrindo...)
...unha páxina web: este blogue (hai que tirar para a casa, hehe)
...un sabor: doce
...un signo do Zodíaco: piscis
...un perfume: o da comida acabada de facer :-D

Convido a facer este meme a Arduina, Acedre, Paradiso 105, Xávi e David.

P.D: Saquei 35.1778656 % (gran friki) no frikitest. Será perigoso? ;)

Vídeo do concerto

2006-05-26T11:46:00.000-07:00

Pois aquí tedes o vídeo do concerto de Lamatumbá no MACUF! Podedes tentar facervos unha idea da festa que se montou... ;) Eu saio no segundo 0:08 na parte dereita, mais hai que darlle ao pause para me ver, hehe. A ver se conseguides identificarme... :D
Saúdos!

Festa rachada!

2006-05-20T06:06:00.000-07:00

O concerto de Lamatumbá do martes foi impresionante. É o primeiro concerto deles ao que fun e non esperaba un directo tan potente. Intentareivos contar como foi, mais iso hai que vivilo :D.
Ás 21:15 entramos meu pai e eu no MACUF. Mentres que agardabamos a que saíra Lamatumbá ambientámonos co novo disco de Guezos, Terradentro.
Cun pouco de retraso, sobre as 21:45, Lamatumbá saiu ao escenario. Entón comezou o espectáculo. Tocaron cancións do seu disco, fixeron versión doutros grupos... Á parte das cancións do seu grupo, pareceume boísima Non chores máis, a versión galega de No woman no cry, de Bob Marley. Se tedes oportunidade de ir a un dos seus concertos, non o dubidedes. ;)
Un saúdo
David

Día das Letras Galegas 2006

2006-05-17T09:38:00.000-07:00

Hoxe, 17 de maio, é o Día das Letras Galegas. Este ano adícaselle a Manuel Lugrís Freire, escritor nado en Sada que emigrou a Cuba con 20 anos e chegou a ser Presidente da Real Academia Galega. Aquí vos deixo unha pequena biografía sacada da Biblioteca Virtual Galega:

Manuel Lugrís Freire naceu en Sada en 1863 e con vinte anos emigrou a Cuba. Na Habana foi elixido membro da xunta directiva do Centro Galego e fundou e dirixiu o primeiro xornal americano redixido totalmente en galego: A gaita gallega (1885-1889). Alí publicou o seu primeiro poemario (Soidades, 1894), prologado por Curros Enríquez, e escribiu a súa primeira obra dramática: A costureira da aldea. De volta á Galiza en 1896, instalouse na Coruña e proseguiu o cultivo da literatura, editando en 1901 Noitebras. Relacionado cos rexionalistas herculinos, Lugrís tomou parte en todas as actividades galeguistas da altura. Así, foi o primeiro en utilizar nun mitin a lingua galega e figurou entre os patrocinadores da Escola Rexional de Declamación (1903), da que sería presidente. Desde este momento, a maior preocupación de Lugrís foi a de fornecer de textos á nova entidade, todos eles cunha forte carga reivindicativa e rompedores co costumismo imperante. Tras a presentación da Escola cunha peza de Salinas, a totalidade dos espectáculos realizados polo cadro contaron con títulos da súa autoría: A Ponte (1903), Minia (1904) e Mareiras (1904). Alén de figurar como o primeiro escritor teatral en utilizar a prosa, é o máximo representante do teatro social ou de tese. Porén, Lugrís deixaría definitivamente o teatro e retomaría a creación poética. Tamén asinou (co pseudónimo Asieumedre) numerosos relatos breves que serían compilados en 1909 no volume Contos de Asieumedre e aínda publicaría unha Gramática do idioma galego (1922). En 1923 ingresou no Seminario de Estudos Galegos cun discurso sobre Pondal. A Real Academia nomeouno presidente en 1934, posto ao que renunciaría un ano máis tarde por problemas de saúde. Nesa década, colaborou, así mesmo, na redacción do anteproxecto do Estatuto de Autonomía. Tras o conflito bélico, que provocou a persecución da actividade galeguista, Manuel Lugrís morreu na Coruña en 1940.

Lamatumbá na Coruña!!

2006-05-16T11:06:00.000-07:00

Hoxe vou ao concerto de Lamatumbá no MACUF! Supoño que será ás 21:30, aínda que na súa web din que é ás 21:00. Aínda non teño as entradas, espero que non estén esgotadas... Xa vos contarei.
LUUUUME!!!

Feira solidaria 06

2006-05-15T05:45:00.001-07:00

O sábado foi a feira solidaria no meu colexio. Houbo xogos, exhibicións, Tómbola, obradoiros, Feirón, A Casa das Meigas, Concurso Gastronómico, Peluquería, Taberna, quads para os rapazes de 8 a 12 anos, scalextric, un concerto solidario do grupo Toll 64... Tamén houbo un torneo de Pro Evolution Soccer 5 para a Play Station nunha pantalla xigante, cousa que o ano pasado non había. Ademais, comprei unha camiseta da Feira por 5 euros.

Por 1 euro, na tómbola podíache tocar un premio ou unha rifa para o sorteo que se fixo ao final. Dos premios, o mellor que me tocou foi unha gorra do mundial. Tamén me tocaron varias rifas e xa andaba eu todo cabreado até que vexo que din no sorteo o número 1490. Era un dos meus!! Houbo 10 premiados e un deles fun eu, hehe. Tiven que escoller entre dous DVDs portátiles, tres minicadenas, tres bicis, unha camiseta do Dépor firmada por varios xogadores, dúas equipacións do Dépor con balón incluido... Non sabía por que cousa decidirme, mais ao final elixín unha das tres minicadenas. Le MP3, cassettes e CDs e ten un sonido bastante bo, ademais é moi bonita.
No Concurso Gastronómico había dúas categorías: tartas e tortillas. A miña avoa revalidou o título da categoría de tartas cun biscoito mellor aínda que o do ano pasado. Este ano foi ela a recollelo e déronlle un diploma, unha flor de tela, un bolso de Reebok moi bo e uns posavasos ben bonitos. Se cadra, para o ano que ven fai unha Tarta de Santiago.
Os fondos recaudados irán destinados para proxectos da ONG Entreculturas e da Fundación Funeso.
Un saúdo
David

Para a próxima xa veredes! ;)

2006-05-01T07:52:00.000-07:00

O do domingo foi un partido bastante malo por parte das dúas equipas, mais a definición do Celta e a actuación do árbitro foron determinantes... O Dépor non xogou ben e non me vou excusar da derrota coa actuación de Pino Zamorano, mais supoño que vistes que non estivo acertado. O gol de Silva foi man, houbo (polo menos) dous penaltis claros a favor do Dépor, o primeiro cartón que recibiu Coloccini non foi nada... Ademais, o Celta chegou con claridade dúas veces e meteu dous goles.
Por outra parte, non houbo acertantes na porra do clásico, aínda que Ghanito e Anonymous I estiveron ben cerca ;).
Veremos o que acontece o ano que ven... Agora máis que nunca, Dépor campión!!!

Dépor - Celta

2006-04-27T08:16:00.000-07:00

A ver se o sábado podo ir ao estadio a ver perder ao Celta (e de paso ver gañar ao Dépor ;-D). Este é un partido moi importante para as dúas equipas, así que esperemos que o partido sexa bonito. Gustavo López, un dos personaxes máis queridos na Coruña, xa está quentando o partido... Pobre iluso! :-D

Ademais continuarei coa habitual porra do clásico galego por excelencia, xa que a anterior tuvo un éxito máis que aceptábel ;). Pois iso, eu digo que o Dépor vai gañar 2-0 e sen pasar os apuros dos últimos partidos. E vós? Que opinades?
FORZA DÉPOR!!!
David

Fala extremeña

2006-04-27T08:06:00.000-07:00

Se o que falan estes extremeños non é galego, non sei eu que será...

Música

2006-04-15T14:58:00.000-07:00

Non sei como falo tan pouco de música no blogue... É algo que me encanta, así que a partir de agora espero ir comentando as novidades musicais. Estes días estou escoitando bastante O Jarbanzo Negro, A Banda de Poi e The Homens; tres grupos moi bos e de estilos diferentes.
O Jarbanzo Negro é un grupo afincado na Alemaña mais con xente de diversos lugares: da Galiza, de Estremadura, da mesma Alemaña... Tocan músicas de verbena en diferentes idiomas.
A Banda de Poi é o novo grupo do Tonhito de Poi, antigo guitarrista dos Heredeiros da Crus. Está composta por xente galega e portuguesa. Como eles mesmos se definen, o seu é rock con guitarras pesadas ;-D.
Por último, e non por iso menos importante, están The Homens. Que vos vou dicir deles... O mellor será que descarguedes as súas novas cancións, dispoñíbeis na súa web.
Pois iso, tres grupos de diferentes estilos altamente recomendábeis ;).
P.D: E como non, aquí poderedes descargar un temazo dun grandísimo grupo, a Safari Orquestra!

Caión

2006-04-15T11:01:00.000-07:00

Onte estiven en Caión, unha vila ben mariñeira. É curioso ver como está metida no medio do mar, parece que nun momento ou outro vai ser tragada pola marea. O mar estaba bravo, penso que podo pasar horas mirando para un mar así. A verdade é que me encanta, aínda que lle teño moito respeito. Mañá iremos outra vez a Caión e comeremos alí. A ver se o mar está tan bonito coma onte...
Pasádeo ben no que resta de vacacións! ;-D
David

De volta

2006-04-10T06:56:00.000-07:00

Hoxe cheguei de botar uns días en Vigo. A noite do domingo pasado (fai oito días) enfermei con gripe e non fun en toda a semana á clase. O mércores pola tarde marchei cos meus pais para Vigo; total, pouco máis ten estar na casa d´A Coruña que na de Vigo, e así tamén iamos algo para alí. Estiven todos os días sen saír até o sábado, cando fun a dar unha volta cos meus pais por Príncipe e polo Berbés. De paso fomos á Casa do Libro, unha librería con dúas plantas enormes que está por esa zona. Compramos O Silmarillion e O Código da Vinci, veremos que tal están. Falando de Dan Brown, aquí tedes un simpático xerador de novelas do escritor americano :-D.
E o mércores pola mañán irei buscar a meu irmán a Santiago, que chega do interrail por terras do leste europeo.
Saúdos.
David

Espectáculo na Zapateira!!

2006-03-27T09:04:00.000-08:00

Onte foi un día histórico: na Zapateira debutou a selección galega de billarda!!! Fun con meu pai e meu irmán a ver o partido. Aínda máis, eu puiden desputar o All Stars coa equipa do oeste! Puiden coñecer en persoa aos xogadores da LNB e mesmo competir contra algúns deles! E por se fose pouco, fun entrevistado en directo por Cuac Fm! Foi algo inolvidábel!! Xa estou esperando a que a LNB volva á Coruña. Para cando veñan xa saberei xogar algo mellor, xa que me regalaron un palán e unha billarda!! Ademais, alguén tamén me deu o xersei oficial da selección de billarda!! Volvede canto antes!

Esta é, sen dúbida, a mellor exclusiva da historia de Tele-Varal, grazas por estar aí!! Nós non queríamos a bandeira, a natureza deunos a razón! ;-D

Outro deporte é posíbel!!!
P.D: Cando poida poñerei algunha foto do partido...

All Stars LNB

2006-03-25T14:07:00.000-08:00

Mañán vou con meu irmán á Zapateira a ver debutar á auténtica, a selección nacional de Billarda. Por fin poderei ver o espectáculo da LNB en directo!! Será ás 16:00, aínda que se queredes ver todo o programa aquí vos vai unha ligazón ao anuncio da festa.

Onte puxéronme o aparato de abaixo. Doéme, mais vouno aguantando... Agora quédame algo mais de ano e medio para que mo quiten. Co caro que é espero que polo menos me quede ben a boca...

Vémonos mañán na Zapateira!!

One month later...

2006-03-21T08:13:00.000-08:00

Xa fai un mes que non escribía nada no blogue, e non foi por non ter nada que contar, senón polos numerosos exames que tiven (batalla da que saín victorioso, por outra parte ;-D). Agora que acabei espero escribir máis a miúdo.
Nestes 30 días, entre outras cousas, cumplín 14 anos, contemplei de maneira impotente a penosa eliminación do Dépor contra o Espanyol en semifinais da Copa, vin o nacemento da Inciclopedia (a nova Frikipedia), entereime de que posíbelmente a LNB estea por primeira vez na Coruña, disfrazeime de mineiro polo Entroido, souben que os aduaneiros cumpliron dous anos o día do meu 14º aniversario, tamén me enterei de que vai nacer un acedriñ@, e un longo etcétera de aventuras e desventuras...
Pois iso, aínda sigo por aquí dando guerra... ;)

Paco no Vaticano

2006-02-21T11:29:00.000-08:00

Aquí vos poño un texto e unha foto que me mandou o meu amigo Roi por e-mail. A ver se o convenzo para que faga un blogue... ;-D

Moitos rumores apuntan que Paco Vázquez quere facer algúns pequenos cambios no Vaticano. Estes rumores aumentaron nos últimos días cando un periodista entrou no seu despacho e pillou unha fotomontaxe que estaba sobre a mesa. Paco, fiel ao seu estilo, quería implantar algunha que outra cousa na antiga praza de San Pedro. O Papavento XVI aínda non se pronunciou sobre o tema... ;)

Día de festa!

2006-02-10T13:52:00.000-08:00

Que ano levamos!!! Primeiro Fraga, despois Vázquez... ;-D Quen será o próximo??
Hoxe escoiteille dicir a Paco que o seu maior desexo sempre foi ir representar a España ao Vaticano. O seu soño fíxose realidade, o meu tamén. Que lle vaia ben, Sir Francis! ;)
P.D: A propósito, leve o farrapo para Roma, que aquí non pinta nada...
;-)

1º bloganiversario

2006-02-01T12:48:00.000-08:00

Vaia despiste! Quería celebrar o meu primeiro aniversario blogueiro o día 15 de xaneiro e pasóuseme :-D Hoxe xa vai un ano e algo máis de dúas semanas, mais, como di o refrán, mais vale tarde ca nunca. Admítense felicitacións ;)
Un saúdo

Verónica Codesal

2006-01-20T10:09:00.000-08:00

Hoxe escríbovos aínda co bo sabor de boca do Galiza 3-2 Uruguai! ;) Que ben o pasamos, iso si que foi unha festa rachada!! Non houbo acertantes de primeira categoría na porra do blogue, que pena xD...
Teño noticias moi importantes, aínda que non as puiden contar por que ultimamente tiven bastante traballo. Pouco a pouco espero podérvolas ir contando. A máis importante de todas e que o 28 de decembro, no 89 aniversario de Cántigas da Terra, coñecín a Verónica Codesal, a cantante de Ialma e Urban Trad que participou no festival de Eurovisión!!! Falara con ela no foro do grupo, e coincidin con ela no novo local de Cántigas. Non é broma, podédelo comprobar nesta foto. Non está trucada, eh! ;-D

Galiza-Uruguai!!

2005-12-27T13:40:00.000-08:00

Isto xa parece unha casa de apostas ;-D! Eu voto por un Galiza 2-1 Uruguai!!! Vos que pensades? A propósito, en que parte do estadio ides estar os que vaiades?
Até máis!

Xa temos as entradas!!

2005-12-23T14:24:00.000-08:00

Como podedes ver aquí, meu irmán e máis eu xa compramos as entradas para o partido! Imos para o fondo sur, onde van estar @s Siareir@s. Segundo din, alí é onde o vento zoará con máis forza. Isto tampouco é moi fiábel, xa que as previsións a falta dunha semana non sei se serán moi seguras... Onte fomos ao C.S. Atreu para reservar sitio nos autocarros que poñen. Aínda que eu non teño moito medo do frío, porque hoxe pola maña meu tío regaloume esta bufanda para animar á selección!! É ben bonita xD. Fun a Maldizer, unha tenda que está na praza de Santa Lucía. Alí xa comprara a camiseta do Can de Palleiro en cor area ;)!
Pola tarde fun ver con Gonzalo a das Crónicas de Narnia. Encantoume! A ver se leo o libro estes días. Se cadra pídoo para Reis porque fun moi boíño e ademais aprobei todo xD!
Por certo, bon Nadal!!!
David

Selección galega

2005-12-19T12:54:00.000-08:00

Como xa sabedes, o 29 de decembro dispútase o Galiza-Uruguai. Aquí podedes ver a lista de convocados.
Por certo, alguén sabe se poñen autobuses desde A Coruña para Santiago? Principalmente diso depende de que vaia ao partido ou non... Se alguén o sabe que o poña nun comentario, por favor. Graciñas.
Txau!
David

Case acerto xD!!!

2005-12-17T13:07:00.000-08:00

Pois ao final case acerto o resultado: Celta 0-3 Dépor! Non podo facer unha análise do partido porque a verdade é que só houbo un equipo no campo, que parecía un patatal. Estaba perfecto para que algún xogador se lesionase. Por sorte non pasou nada. O Celta só se viu nos primeiros minutos, e en todo o partido tirou como moito un tiro... E iso que o Dépor non se puxo a xogar, que senón caíanlle 5 ou 6. A expulsión de Pinto puido condicionar algo o partido, mais iso non me parece excusa. O menos que podían facer ante a súa afición era entregarse un pouco, e estivo claro que, polo menos na segunda parte, non o fixeron. Eu enfadaríame se o meu equipo non lle puxese ganas nun partido así. Se Diego chega a estar un pouco acertado mete un hat-trick, aínda que del non se pode esperar moito... Tivo dúas ocasións ben claras: o segundo penalti e un remate xusto diante de Esteban, e errou nas dúas. Despois quéixase de que recebe moitos asubíos... Se o Deportivo quere humilla ao Celta, aínda que mellor así. Fixeron ben en non cebarse, non era necesario. Ademais hai un partido o mércores e temos que reservarnos. O de hoxe recordoume aos derbis de fai dous anos. Nos tres últimos Dépor - Celta só houbo un equipo no campo. En resumo, un partido bastante sinxelo.
Forza Dépor ;)!!!
David

Celta-Dépor!!!

2005-12-13T04:43:00.000-08:00

O sábado derbi!!! Chegamos empatados a 26 pontos, vai estar realmente emocionante. Podedes facer apostas cos resultados que queirades, sempre que poñades vitoria do Dépor xD. Eu digo 1-3!
Forza Dépor!!!
David

P.D:Síntoo polos do Celta, mais non encontrei un escudo máis grande.

Xa teño os ferriños ;)!!!

2005-12-13T04:04:00.000-08:00

Como xa sabedes, hoxe fun poñer o corrector dental. A primeira hora fun á clase e fixen o exame. Saíume bastante ben, era fácil. Despois marchei para o dentista. Estiven unha hora até que me puxeron todos os ferros. Nunca pasara tanto tempo nunha consulta. Polo menos estaba deitado, hehehe. Síntome un pouco extraño... Non é que me doa moito, mais é bastante molesto. A ver estes días que tal estou. Dixéronme que dentro duns días xa non me vai molestar porque vou estar afeito. Déronme bastantes consellos sobre a hixiene e o coidado do aparello. Tamén me deron, como alguén xa me anticipara, un cepillo interproximal. Serve para limpar a comida que queda entre os ferros e os dentes. Mandáronme comprar flúor, cera para poñer cando teña feridas por culpa do corrector e unhas gotas chamadas Plac-Control que teño que botar despois do cepillado unha vez á semana. Unha vez que as bote, as partes que están mal limpas póñense de cor vermella xD! Aínda non as probei. Por outra parte, o dedo vai mellorando. Teño un derrame moi grande e bastante dor, mais aguántase.
Agora vou ler un pouco no Harry Potter VI. Está moi ben! Por culpa dos exames aínda non o puiden acabar, mais non me queda moito.
Saúdos
David

Día A (de aparello)

2005-12-12T12:13:00.000-08:00

Mañá e o día!!! Vou ir á primeira hora de clase porque teño exame desa materia tan importante chamada relixión ;), e despois xa marcho para o dentista. Dixéronme outros experimentados no do aparello que non doe cando cho poñen, só é algo molesto. A ver que tal me vai. Ao que ninguén me gaña en experiencia é a lesións nos dedos. A de hoxe xa é a quinta! Teño o dedo anular como un chourizo criollo xD! O golpe foi xogando ao baloncesto no recreo. Durante a hora de ximnasia Gonzalo(que ten papilomas nun pe) e eu estivémonos sentados nun banco falando nas nosas cousas e rindo do que o profesor lles mandaba facer aos outros, pasámolo ben ;-D! Non fun ao modelo, aínda que terei un esguince e/ou unha contusión. Se cadra vou mañá despois do dentista. Dóeme moito, aínda que ao poñerlle xeo despois de lastimarme non o teño tan inchado coma a última vez. Púxenlle a célula que teño desde a última lesión e tomei os antinflamatorios que me sobraron do anterior dedo enfermo :-D. Polo menos as lesións nos dedos seguen unha orde: primeiro foi o pequeniño da man esquerda, despois o da dereita; máis tarde foi o seu irmanciño da esquerda, logo o da dereita e por último (e seguro que non definitivo) o maior de todos da esquerda ;-D! Así xa me mentalizo para a próxima lesión xD!! Xa vos contarei maña que tal estou.
Txau!
David

Corrector dental

2005-12-08T05:42:00.000-08:00

Onte fun ao dentista para que me puxese unhas gomas nas moas; e o martes 13 vanme poñer o aparello dos dentes. Non me importa que sexa ese día, non sei porque naceu a moda de que os martes 13 son días malos; creo eu que che pode pasar algo malo tanto nun martes 13 como nun domingo 26... Bon, sigamos ;-D. Puxéronme 8 gomas entre as moas, dúas en cada lado da boca. O dentista non tardou nada, en 2 minutos (contandos por min xD) xa as tiña colocadas. Non me doeu, só foi algo molesto. A verdade é que teño un dentista bastante simpático.
Agora estou escribindo con bastante dor nas enxivas. Xa me erguín con dor na boca e non almorcei case nada. Tampouco xantei moito. Fai un pouco tomei un Termalgin deses e xa me doe menos. Penso que estes días e sobre todo a partir do martes vou estar a réxime :-D. Terei que comer purés e cousas polo estilo, o duro non o podo morder. A ver que tal... Dixéronme que che doe os primeiros días despois de que cho poñan, como moito a primeira semana. Veremos se é así. Creo que só vou ter a parte de arriba chea de ferros, a de abaixo non. Aínda non mo puxeron e xa estou esperando que chegue decembro do 2007 para quitalo :-)! Xa vos contarei máis adiante como vai a cousa. Mantereivos informados ;)!!
Saúdos
David

O teu (blogue) é puro teatro

2005-12-01T13:49:00.000-08:00

Podedes escribir algo máis no blogue, que ao pobre tédelo ben abandonadiño ;-D!
Saúdos
David

Outra vez será... :(

2005-11-26T03:30:00.000-08:00

Pois non houbo sorte... O noso património non foi declarado Obra mestra da Humanidade. A noticia podédela ver en Vieiros. Agora o que hai que facer é ser optimistas ;-). Para a próxima vai!
Até outra.
David

Harry Potter e o príncipe misterioso!

2005-11-26T02:14:00.000-08:00

Isto é un irmán e o demáis son tonterías xD! Mirade o que me regalou!!!

Hoxe acabei de ler o Portal dos Elfos (outro agasallo, desta volta de parte do meu pai xD), o primeiro libro dunha triloxía escrita por Herbie Brennan. Está moi ben, recoméndoo. Agora vou comezar a ler Harry Potter e o Príncipe Misterioso Así tamén aprendo mellor o portugués, que creo que é unha das finalidades deste presente ;-D. Os outros siguen inmersos na súa Galaxia...
Pola tarde vou debutar na liga de fútebol sala, e tamén xogarei de can-cervexeiro xD. A ver que tal o fago... Xa vos contarei.
Despois do partido vou con dous amigos ver a cuarta de Harry Potter. A novela tiña bastante acción, así que penso que o filme estará polo menos entretido.
E por fin volta o Xabarín Club ás tardes. E botan Os Tolos do Volante!!! O mellor é Paspán xD!

Para os que non saibades que serie é, aquí está o seu argumento.
Vou comezar o libro, que xa estou impaciente ;)!
Saúdos
David
P.D: Dentro de pouco, o meu personaxe de South Park nesta mesma páxina xD! Aquí e aquí tedes dous modelos deste tipo e aquí poderedes facer o voso. Animádevos ;-)!

Património

2005-11-21T12:48:00.000-08:00

Faltan 4 días para que se decida se o Património Imaterial Galego-Portugués é declarado Obra Mestra da Humanidade. Aquí podedes asinar a favor desta candidatura. Eu xa o fixen!

Dépor 3-1 Madrid :-D!

2005-10-28T06:54:00.000-07:00

Non puiden falar do partido até hoxe porque os exames non me deixaron un respiro, aínda que creo que me saíron bastante ben. Pois veña, ao que vamos! O partido do Dépor contra o Madrid foi impresionante! Bon, tamén hai que dicir que o Madrid é unha banda xD... Desde o principio o Dépor dominou claramente e Molina non tuvo que intervir case en ningunha ocasión. De Guzmán marcou un gol e fixo un partidazo. Foi o dono do medio do campo; recordaba a Mauro (sobre todo pola cor da pel xD), aínda que con máis chegada. Tamén temos a Juanma de pichichi xD. Marcou dous goles e eu creo que lle vai a disputar o trofeo ao máximo goleador a Eto´o ;-D. Ao final Raúl marcou un gol, aínda que non lles valeu de nada... E xa van 14 anos que o Madrid non gana en Riazor! En definitiva, un partido boísimo.
E non se vistes o penalti de Pires ;-D... Eu non sabía que se podía facer iso, é unha xogada moi interesante.
E sen moito máis que dicir despídome até outra.
Saúdos!
David

Harry Potter en galego IX

2005-10-18T13:17:00.000-07:00

Ao final mandeilles isto, case igual ao que tiña pensado enviar. A ver se me explican o que pasa dunha maldita vez!
Até logo!
David

Estimad@s señor@s:
Fai xa bastante tempo dirixinme a vostedes co tema de Harry Potter en galego. Aínda non me poden precisar nada novo??? Xa pasou bastante tempo e creo que se estivesen interesados en responderme faceríano. Por favor, díganme a verdade e non me toleen con esas escusas sen senso.
Saúdos
David

Harry Potter en galego VIII

2005-10-18T07:47:00.000-07:00

Estes de Galaxia están comezando a cabrearme x(! Se non saben que responder que mo digan e que non me anden toleando con esas escusas! Teño pensado mandarlles isto, aínda que non sei se estará un pouco subido de tono... Que opinades?
Txau!
David

Aínda non me poden precisar nada novo??? Xa pasou bastante tempo e creo que se estivesen interesados en responderme faceríano. Por favor, díganme a verdade e non me toleen con esas escusas sen senso.
Saúdos
David

PS: Se queredes, mandádelles vós algún correo, así metémoslles presión ;-D!

Case xD!

2005-10-15T12:56:00.000-07:00

Pois a remontada case foi completa, o resultado final foi de 3-3. Non estivo mal, non ;-D!
Saúdos
David

Última carreira de F-1!

2005-10-15T11:57:00.000-07:00

Co mundial de pilotos xa decidido, agora só queda por saber quen ganará o mundial de constructores. Renault sácalle agora mesmo 2 pontos a Mclaren, así que a carreira será moi emocionante. F. Alonso saíra 1, G. Fisichella 2, K. Raikonnen 3, Jenson Button 4, J.P. Montoya 5 e M. Shumacher 6. Tamén se está xogando nestes momentos o Deportivo-Barça. Agora mesmo o resultado é de 1-3. Eu aínda espero unha remontada ;-D!
PS: Hoxe estiven tuneando o meu blogue, aínda que pode ser que necesite algúns cambios máis :-).
Saúdos
David

Por fin chove!!!

2005-10-11T12:59:00.000-07:00

Xa non recordaba o marabilloso que era sentir caer a chuva ao teu redor ;-D!
Txau!
David

Paco, Paco...

2005-10-11T10:19:00.000-07:00

Este Paco non é ben listo! Fai algún tempo vin un armatroste chantado no Orzán, rodeado dun valado. Xa me temía algunha animalada. Pois resulta que ese armatroste vai soster unha bandeira española de dimensións xigantes que vai ser colocada mañán, día da Hispanidade! E aí non acaba todo... Tamén pretende engadirlle ao escudo unha constitución, que será colocada enriba da Torre de Hércules! Esta persoa, por chamarlle dalgunha forma, pense que cada alcalde pode modificar o escudo da cidade que goberna ao seu gusto! E que eu non entendo o que se lle pasa pola cabeza... Hai que facer algo axiña!!! Bandeiras turcas xa!
Saúdos
David

Eclipse

2005-10-09T07:12:00.000-07:00

O luns 3 de outubro faltamos un amigo e eu á clase(con permiso, non vaiades pensar ;-D) para ir ver o eclipse, xa que na escola non nos ían deixar velo. A materia que tocaba a esa hora era Ciencias da Natureza, e que mellor día que ese para dar unha clase práctica! Vírono desde a ventana e todo porque un compañeiro levara unhas gafas, que senón nen o vían! Sen comentarios. Fun con David Lamas(un amigo) e co seu pai a Santa Margarida para velo e paseino xenial. Alí o pai de Lamas encontro un amigo e vimos o eclipse con el. Un pouco máis tarde chegaron a miña nai e a miña avoa, que tamén o viron. Os instrumentos utilizados foron unha caixa coma a que aquí sae, mais en forma de tubo(tiñamos dous destes exemplares); uns prismáticos e un monóculo para proxectar o eclipse e un filtro para mirar directamente ao Sol. A temperatura baixou considerablemente (cheguei a ter moito frío nas mans) e a luz pasou de 50000 LUX a 17000. As sombras eran impresionantes! Valeu a pena perder de ir á clase para ver este espectáculo tan maravilloso ;-D! Ao acabar o eclipse fixemos unha visita á Casa das Ciencias. Aquí tedes unhas fotos ben fermosas (abríndoas nun novo separador ou xanela verédelas ampliadas).
Saúdos
David

PS: Recoméndovos que leades este artigo sobre o eclipse.

Harry Potter VII

2005-10-05T06:17:00.000-07:00

Aquí tedes a resposta de Galaxia:

Remitín no seu día o correo o director de edición, polo que non te podo precisar nada novo.

Saúdos,

Loli

Veremos se é verdade...
Un saúdo
David

Harry Potter en galego VI

2005-10-04T12:49:00.000-07:00

Volvinlles enviar un correo case coma o anterior aos de Galaxia. Espero que desta vez me respondan...
P.D: Ninguén mais que Roi vai poñer un comentario sobre o meu conto? :'( (Quería poñer unha cariña chorando, mais non sei como facelo xD).

Humor negro

2005-09-29T11:15:00.000-07:00

Saqueina da páxina da Mesa pola Normalización Lingüística. Está simpático ;-)
Un saúdo
David

Seleción galega xa (por fin)!!!

2005-09-24T07:11:00.000-07:00

Súmome á moda de propoñer a miña seleción galega no blog. Aquí tedes o meu 11:
Porteiro: Dani Mallo (Deportivo)
Lateral Dereito: Míchel Salgado (Real Madrid)
Central Dereito: Capi (Zaragoza)
Central Esquerdo: Quique Álvarez* (Villarreal)
Lateral Esquerdo: Iago Bouzón (R. Huelva)
Medio Centro Dereito: Cabanas (Grasshoppers)
Medio Centro Esquerdo: Viqueira (R. Huelva)
Extremo Dereito: Julio Álvarez (Murcia)
Extremo Esquerdo: Nano (Getafe)
Mediapunta: Fran (Retirado)
Punta: Nacho Novo (G. Rangers)
Adestrador:Arsenio Iglesias

Quique Álvarez xa participou con Cataluña, seleción que acolleu algúns xogadores que viviron bastante tempo alí, como Iniesta (manchego) ou Q. Álvarez. Se el non xogase entraría no seu sitio Rubén.

Deseño sobre a selección galega:

E para que vexades que na Galiza hai pontencial suficiente para unha seleción galega, aquí vos vai un segundo equipo:
Porteiro: Sergio Aragoneses (Elxe)
Lateral Dereito: Pablo Coira (Alavés?)
Central Dereito: Manuel (Eibar)
Central Esquerdo: Rubén (Real Madrid Castela)
Lateral Esquerdo: Marcos Vales (Mallorca?)
Medio Centro Dereito: Borja Oubiña (Celta)
Medio Centro Esquerdo: Borja (Mallorca)
Extremo Dereito: Jonathan (Celta)
Extremo Esquerdo: Iván Carril (Deportivo)
Dianteiro Dereito: David (Celtic Glasgow)
Dianteiro Esquerdo: Losada (Valladolid)

Posiblemente o primeiro partido sexa contra Uruguay en San Lázaro. A ver se o podo ir ver xD! E por certo, Nacho seleción!!!

Un saúdo!
David

Harry Potter en galego V

2005-09-16T09:31:00.000-07:00

Respondéronme os de Salamandra!!! Dixéronme isto:

Estimado amigo,
Como ya sabes el libro es coedición con Galaxia y nosotros no decidimos la fecha de publicación en gallego.
Un saludo,

Puf!!! Vanse acordar os de Galaxia :-D! Vou escribirlles isto:

Estimad@s señor@s:
Fai aproximadamente 15 días dirixinme a vostedes preguntándolles por que os libros de Harry Potter tardaban varios anos máis en editarse en galego que en catalán. Respondéronme así:

Quen te podería contestar sería Salamandra, xa que os libros non salen antes por culpa deles.
Saúdos,
Loli

Así que eu escribinlles aos de Salamandra sobre o mesmo tema, e dixéronme o seguinte:

Estimado amigo,
Como ya sabes el libro es coedición con Galaxia y nosotros no decidimos la fecha de publicación en gallego.
Un saludo,

Por favor, gustaríame que me expliquen que queren dicir con isto.
Un saúdo
David

A verdade é que non me fío de ningunha das dúas editoriais, mais... Hoxe marcho para Vigo, a ver se cando volva teño unha resposta dos de Galaxia...
Proximamente, na mesma canle, á mesma hora, a sexta parte do culebrón Harry Potter en galego.
Saúdos
David

Galiza 2-0 Madrid

2005-09-11T04:51:00.000-07:00

Facía tempo que non desfrutaba tanto co Deportivo. Fixo un partidazo e gañou 1-0 ao Atlético de Madrid, aínda que houbo que agardar até o última xogada para ver o gol de Capdevila. Parabéns tamén ao Celta polo seu grande partido (2-3 no Bernabeu).
Agora vaise disputar a carreira da F-1 en Spa, o meu circuito preferido. Pode ser que xa se decida quen é o gañador do mundial, aínda que está bastante claro. Xa o circuito é emocionante de por sí, con choiva vai ser impresionante. Marcho que non chego para velo.
Un saúdo
David
PD. Por favor, os que lestes o meu conto podíades poñer un comentario sobre el, así tamén sei o que lle parece á xente.

2005-09-08T06:18:00.000-07:00

E así acaba este conto. Agora podedes dar vosa opinión. Non é necesario que opinedes sobre a falta de xuízo xusto para Valeriana e Rufina, despois do que fixeron nen o merecían ;-D
Un saúdo
David